• Lehe A Gán Nọ Basi Nudide Dagbe lẹ Do
    Duvivi Ogbẹ̀ Tọn Kakadoi!—Hodọdopọ Sinai Do Biblu Ji

    • 5. Nọ na sisi ayihadawhẹnamẹnu mẹdevo lẹ tọn

      Na mí gbọnvona mídelẹ wutu, nudide mítọn lẹ na nọ gbọnvo janwẹ. Nawẹ mí gán dohia dọ mí nọ na sisi ayihadawhẹnamẹnu mẹdevo lẹ tọn gbọn? Lẹnnupọndo ninọmẹ awe ji:

      Ninọmẹ 1: Mẹmẹyọnnu de he yiwanna nado nọ gbonú do nukunmẹ nado doaṣọ́na ede, sẹtẹn yì agun devo mẹ fie e nọ dotukla susu mẹmẹyọnnu he to finẹ lẹ tọn te eyin yé mọdọ mẹde doaṣọ́ to aliho enẹ mẹ.

      Hia Lomunu lẹ 15:1 gọna 1 Kọlintinu lẹ 10:23, 24, enẹgodo dọhodo kanbiọ ehelẹ ji:

      • Sọgbe hẹ wefọ ehelẹ, nudide tẹwẹ mẹmẹyọnnu enẹ gán basi? Etẹwẹ a na wà eyin a topọ hẹ mẹde he ayihadawhẹnamẹnu etọn ma yigbena ẹn nado wà nude he ayihadawhẹnamẹnu hiẹ tọn kẹalọyi?

      Ninọmẹ 2: Mẹmẹsunnu de yọnẹn dọ Biblu ma jẹagọdo ahàn sinsinyẹn nùnù do jlẹkaji, amọ́ e basi dide ma nado nọ nù. E wá yin oylọ-basina yì nuwiwa de tẹnmẹ fie e mọ bọ mẹmẹsunnu devo lẹ to ahàn sinsinyẹn nù te.

      Hia Yẹwhehodọtọ 7:16 gọna Lomunu lẹ 14:1, 10, enẹgodo dọhodo kanbiọ ehelẹ ji:

      • Sọgbe hẹ wefọ ehelẹ, nudide tẹwẹ mẹmẹsunnu enẹ gán basi? Etẹwẹ a na wà eyin a mọdọ mẹde to nude wà he ayihadawhẹnamẹnu towe ma kẹalọyi dọ a ni wà?

      Afọdide tẹlẹ wẹ gán gọalọna we nado basi nudide dagbe lẹ?

      Nawe de to dẹ̀ho.

      1. Biọ to Jehovah si dọ ni gọalọna we nado de nuhe a na wà.—Jakọbu 1:5.

      Nawe dopolọ to dodinnanu lẹ basi to Biblu mẹ, to owe sinai do Biblu ji lẹ mẹ, podọ to ọdinatẹẹ ji.

      2. Basi dodinnanu lẹ to Biblu po owe sinai do Biblu ji lẹ po mẹ nado mọ nunọwhinnusẹ́n he gandego lẹ. A gán sọ kanhose Klistiani numimọnọ lẹ.

      The same woman thinking.

      3. Lẹnnupọndo kọdetọn he nudide towe na tindo do ayihadawhẹnamẹnu towe po ayihadawhẹnamẹnu mẹdevo lẹ tọn po ji.