WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN Watchtower Tọn

WESẸDOTẸN INTẸNẸT JI TỌN

Watchtower Tọn

3 | De Wangbẹna Sẹ̀ Sọn Ayiha Towe Mẹ

Atọ̀họ̀-Nuhihọ́ lọ Tọn (Mẹlẹpo Tọn)—2022 | No. 1
- Nuhe Biblu Plọn Mí:
  
  “Mì yin adàdiọna gbọn ayiha mìtọn didiọ dali, na mì nido sọgan mọdona ojlo Jiwheyẹwhe tọn he yọ́n, bo yin alọkẹyi bosọ yin pipé lọ.”—LOMUNU LẸ 12:2.
  
  Nuhe E Zẹẹmẹdo:
  
  Nuhe mí nọ lẹn lẹ nọ duahunmẹna Jiwheyẹwhe. (Jelemia 17:10) Dile etlẹ yindọ mí dona nọ dapana nuhe nọ gbleawunamẹ lẹ didọ kavi wiwà, mí sọ dona wà nususu humọ. Wangbẹna nọ bẹjẹeji sọn ayiha po ahun po mẹ. Enẹwutu, mí dona nọ yawu doalọtena nulinlẹnpọn do nudepope he na zọ́n bọ mí na do numọtolanmẹ wangbẹna tọn lẹ ji. Whenẹnu kẹdẹ wẹ mí gán “yin adàdiọna” nugbonugbo, bo gbawhàn wangbẹna tọn.

3 | De Wangbẹna Sẹ̀ Sọn Ayiha Towe Mẹ

Atọ̀họ̀-Nuhihọ́ lọ Tọn (Mẹlẹpo Tọn)—2022 | No. 1
- Etẹwẹ gọalọna Stephen nado jo nuyiwa wangbẹna tọn lẹ do? Nuhe yin didọ to Lomunu lẹ 12:2 mẹ wẹ. Stephen dọmọ: “N’wá jẹ ayidego ji dọ n’dona diọ pọndohlan ṣie. N’dona diọ aliho nulẹnpọn tọn ṣie bo ma na nọ yinuwa hẹ mẹdevo lẹ po jijọho po poun, ṣigba n’na nọ pọ́n mọwiwà hlan taidi aliho gbẹninọ tọn he yọ́n hugan lọ.” Stephen ko duvivi gbẹzan he vò sọn numọtolanmẹ wangbẹna tọn lẹ si tọn na owhe 40 linlán todin.