4. (a) Etẹwẹ yin azọngban Paulu tọn to azọ́n Klistiani dido tọn mẹ? (b) Naegbọn e sọgan yin didọ dọ Jesu po hosetọ etọn lẹ po yọ́n nujọnu-yinyin dodonu dagbe lẹ tọn?

⁴ Eyin ohọ̀ de na lodo bosọ dẹn-to-aimẹ, e tindo nuhudo dodonu dagbe de tọn. Gbọnmọ dali, Paulu wlan dọmọ: “Kẹdẹdi ojọmiọn Jiwheyẹwhe tọn he yè na mi, taidi ogán nuyọnẹntọ azọ́n tọn de, yẹn ko do dodonu de ai.” (1 Kọlintinu lẹ 3:10, NW) To oló mọnkọtọn de yiyizan mẹ, Jesu Klisti dọ dogbọn ohọ̀ de dali he lùn jẹhọn ahìzì de tọ́n na mẹhe gbá ẹ ko de dodonu he lodo de wutu. (Luku 6:47-49) Jesu yọ́n nulẹpo gando nujọnu-yinyin dodonu lẹ tọn go. E tin to finẹ to whenuena Jehovah dó dodonu aigba lọ tọn ai.a (Howhinwhẹn lẹ 8:29-31) Hosetọ Jesu tọn lẹ lọsu ga yọ́n nuhọakuẹ dodonu dagbe lẹ tọn. Ohọ̀ he tindo dodonu he lodo lẹ kẹdẹ wẹ sọgan nọte to osingigọ po aigba sisọsisọ he nọ jọ to Palestine to whedelẹnu po nukọn. Nalete, etẹwẹ yin dodonu lọ he Paulu tindo to ayiha mẹ?

 7. Etẹwẹ mí sọgan plọn sọn alọdlẹndonu mẹdetiti Paulu tọn taidi ‘ogán azọ́nwatọ nuyọnẹntọ de’ mẹ?

⁷ Paulu doayi e go dọ ewọ wazọ́n mẹpinplọn tọn mọnkọtọn ‘taidi ogán nuyọnẹntọ azọ́n tọn de.’ Hodidọ ehe mayin goyiyi tọn gba. Gbeyiyi nunina jiawu de he Jehovah ko na ẹn tọn wẹ e yin poun—yèdọ enẹ heyin titobibasina kavi anadidena azọ́n tọn. (1 Kọlintinu lẹ 12:28) Nugbo wẹ dọ, míwlẹ to egbehe ma tindo nunina azọ́njiawu tọn lẹ heyin nina Klistiani owhe kanweko tintan whenu tọn lẹ gba. Podọ mí sọgan gọ̀n ma pọ́n mídelẹ hlan taidi mẹhe tindo nunina mẹpinplọn tọn lẹ. Ṣigba to linlẹn nujọnu tọn de mẹ, mí yinmọ. Lẹnnupọn deji: Jehovah na gbigbọ wiwe etọn mí nado gọalọna mí. (Yijlẹdo Luku 12:11, 12 go.) Podọ mí tindo owanyi Jehovah tọn po oyọnẹn dodonu nuplọnmẹ Ohó etọn tọn lẹ po. Na nugbo tọn ehelẹ yin nunina jiawu lẹ nado yizan to nupinplọn mẹdevo lẹ mẹ. Mì gbọ mí ni magbè nado yí yé zan nado dó dodonu he sọgbe lọ ai.