• A Sọgan Yin Họntọn Jehovah Tọn
    Duvivi Ogbẹ̀ Tọn Kakadoi!—Hodọdopọ Sinai Do Biblu Ji

    • A Sọgan Yin Họntọn Jehovah Tọn

      Jehovah jlo dọ a ni yọ́n emi ganji dogọ. Etẹwutu? E yọnẹn dọ dile a to nuplọn dogọ nado yọ́n omẹ nankọ he ewọ yin, lehe e nọ yinuwa do, gọna lẹndai etọn, mọ wẹ e na jlo we dogọ nado lẹzun họntọn etọn do niyẹn. Be e yọnbasi nugbo nado lẹzun họntọn Jiwheyẹwhe tọn ya? (Hia Salmu lẹ 25:14.) Etẹ a gán wà nado lẹzun họntọn etọn? Biblu na gblọndo na kanbiọ enẹlẹ, bosọ dọ nuhewutu họntọnjiji hẹ Jehovah do yin nujọnu taun hú họntọnjiji hẹ mẹdevo depope.

      1. Etẹwẹ Jehovah to oylọ-basina we nado wà?

      “Mì dọnsẹpọ Jiwheyẹwhe, ewọ nasọ dọnsẹpọ mì.” (Jakọbu 4:8) Etẹwẹ ehe zẹẹmẹdo? Jehovah to yiylọ we nado lẹzun họntọn etọn. E sọgan vẹawuna mẹdelẹ nado yise dọ yé gán jihọntọn hẹ Jiwheyẹwhe, na yé ma gán mọ ẹn wutu. Ṣigba to Ohó etọn Biblu mẹ, Jehovah dọ nuhe mí dona yọnẹn gando ewọ go lẹpo na mí, na mí nido sọgan dọnsẹpọ ewọ. Eyin mí hia nuhe Jiwheyẹwhe dọna mí to Biblu mẹ lẹ, mí nọ vẹ́ hẹ Jehovah dogọ dile etlẹ yindọ mí ma mọ ẹn pọ́n.

      2. Naegbọn Jehovah do yin Họntọn dagbe hugan he a sọgan tindo?

      Mẹde ma yiwanna we sọ Jehovah. E jlo dọ a ni do ayajẹ bo nọ lẹhlan ewọ to whedepopenu he a do hudo alọgọ tọn. A sọgan ‘bẹ magbọjẹ towe lẹpo dlan ewọ ji, na e to towe hòpọn wutu.’ (1 Pita 5:7) Jehovah nọ wleawufo to whelẹponu nado nọgodona họntọn etọn lẹ, miọnhomẹna yé bo dotoaina yé.—Hia Salmu lẹ 94:18, 19.

      3. Etẹwẹ Jehovah nọ donukun sọn họntọn etọn lẹ si?

      Jehovah yiwanna mẹlẹpo, “ṣigba, nugbonọ lẹ wẹ nọ jihọntọn pẹkipẹki hẹ Ẹ.” (Howhinwhẹn lẹ 3:32) Jehovah nọ donukun dọ họntọn etọn lẹ ni dovivẹnu nado wà nuhe sọgbe bo nọla na nuhe ylan to nukun etọn mẹ lẹ. Mẹdelẹ sọgan nọ lẹndọ e na vẹawuna emi nado yìn osẹ́n Jehovah tọn lẹpo. Ṣigba, lẹblanunọ wẹ Jehovah. E nọ kẹalọyi mẹdepope he yiwanna Ẹn nugbonugbo bo nọ wà nuhe go e pé lẹpo nado hẹn homẹ Etọn hùn.—Salmu lẹ 147:11; Owalọ lẹ 10:34, 35.

      DINDONANU DOGỌ

      Plọnnu dogọ gando lehe a sọgan lẹzun họntọn Jehovah tọn do go, bo pọ́n nuhewutu ewọ wẹ Họntọn dagbe hugan he a sọgan tindo.

      4. Ablaham yin họntọn Jehovah tọn

      Kandai Biblu tọn he dọhodo Ablaham (mẹhe sọ nọ yin yiylọdọ Ablam) ji, dohia mí to kleun mẹ nuhe e zẹẹmẹdo nado yin họntọn Jiwheyẹwhe tọn. Hia nuhe Jenẹsisi 12:1-4 dọ gando Ablaham go. Enẹgodo dọhodo kanbiọ ehelẹ ji:

      • Etẹwẹ Jehovah biọ to Ablaham si?

      • Opà tẹwẹ Jehovah do na ẹn?

      • Nawẹ Ablaham yinuwa gbọn to whenue Jehovah na ẹn anademẹ?

      5. Nuhe Jehovah nọ donukun sọn họntọn etọn lẹ si

      To paa mẹ, mí nọ donukun nudelẹ sọn họntọn mítọn lẹ si.

      • Etẹwẹ yin nudelẹ he a nọ jlo dọ họntọn towe lẹ ni wà na we?

      Hia 1 Johanu 5:3, enẹgodo dọhodo kanbiọ ehe ji:

      • Etẹwẹ Jehovah nọ donukun sọn họntọn etọn lẹ si?

      E sọgan biọ dọ mí ni diọ walọ mítọn kavi jijọ mítọn delẹ nado setonuna Jehovah. Hia Isaia 48:17, 18, enẹgodo dọhodo kanbiọ ehe ji:

      • Naegbọn Jehovah nọ biọ to họntọn etọn lẹ si nado basi vọjlado delẹ?

      Họ̀gbátọ de to gbákún hihọ́-basinamẹ tọn de dlẹn do azọ́nwatọgbẹ́ de.

      Họntọn dagbe de nọ flin mí nudelẹ he na basi hihọ́na mí bo wà dagbe na mí. Nudopolọ wẹ Jehovah nọ wà na họntọn etọn lẹ

      6. Nuhe Jehovah nọ wà na họntọn etọn lẹ

      Jehovah nọ gọalọna họntọn etọn lẹ nado duto nuhahun lẹ ji. Hò VIDEO lọ, enẹgodo dọhodo kanbiọ he bọdego ji:

      VIDEO: Nuhe Jehovah Ko Wà Na Mi Sù Taun (3:20)

      • Nawẹ Jehovah ko gọalọna nawe he to video lọ mẹ nado duto linlẹn po numọtolanmẹ agọ̀ lẹ po ji gbọn?

      Hia Isaia 41:10, 13, enẹgodo dọhodo kanbiọ ehelẹ ji:

      • Etẹwẹ Jehovah dopà nado wà na họntọn etọn lẹpo?

      • Be a lẹndọ Jehovah yin Họntọn dagbe de ya? Etẹwutu?

      Bẹplidopọ yẹdide tọn: Họntọn vivẹ́ lẹ to alọgọna ode awetọ. 1. Dawe de to alọgọna họntọn etọn sunnu devo nado sẹtẹnna tafo daho de. 2. Nawe to nuhe to ahun ji na ẹn lẹ dọna yọnnu devo. 3. Dawe de wá gọalọna họntọn etọn sunnu devo he wẹ́n afọ bo nọ sẹtẹn po opò sẹkunọ tọn de po.

      Họntọn dagbe lẹ na gọalọna we to whenue nuhudo tin. Jehovah na gọalọna we ga

      7. Họntọnjiji hẹ Jehovah nọ biọ hodidọ dopọ hẹ ẹ

      Hodọdopọ nọ zọ́n bọ họntọn lẹ nọ vẹ́ dogọ. Hia Salmu lẹ 86:6, 11, enẹgodo dọhodo kanbiọ ehelẹ ji:

      • Nawẹ mí gán dọhona Jehovah gbọn?

      • Nawẹ Jehovah nọ dọhona mí gbọn?

      Bẹplidopọ yẹdide tọn: 1. Nawe de to dẹ̀ho. Ohia he taidi ogá de to ota etọn bo pànta aga. 2. Nawe de to Biblu hia. Ohia he taidi ogá de to ota etọn bo pànta odò.

      Mí nọ dọhona Jehovah gbọn odẹ̀ gblamẹ; ewọ nọ dọhona mí gbọn Biblu gblamẹ

      MẸDELẸ NỌ DỌ DỌ: “E ma yọnbasi nado jihọntọn hẹ Jiwheyẹwhe.”

      • Wefọ Biblu tọn tẹwẹ a na yí do dohia dọ mí gán jihọntọn hẹ Jehovah?

      BLADOPỌ

      Jehovah jlo na yin Họntọn towe, podọ ewọ na gọalọna we nado dọnsẹpọ ẹ.

      Dogbapọn

      • Nawẹ Jehovah nọ gọalọna họntọn etọn lẹ gbọn?

      • Naegbọn Jehovah nọ biọ dọ họntọn etọn lẹ ni basi vọjlado lẹ?

      • Be a lẹndọ Jehovah nọ donukun nususu hugan sọn họntọn etọn lẹ si wẹ ya? Naegbọn a do lẹnmọ?

      Yanwle

      PỌ́N NUDỌNAMẸ DEVO LẸ

      Nawẹ họntọnjiji hẹ Jiwheyẹwhe gán hẹn ale wá na we gbọn?

      “Jehovah Jiwheyẹwhe He Mí Dona Yọnẹn” (Atọ̀họ̀-Nuhihọ́ lọ Tọn, 15 février 2003 tọn)

      Pọ́n lehe a gán jihọntọn hẹ Jiwheyẹwhe do.

      “Nawẹ N’Gán Lẹzun Họntọn Jiwheyẹwhe Tọn Gbọn?” (Kanbiọ He Jọja lẹ Nọ Kanse—Gblọndo He Wazọ́n Lẹ, Bladopọ 2, weta 35)

      Pọ́n nuhewutu nawe de do mọdọ họntọnjiji emitọn hẹ Jehovah whlẹn emi.

      “N’Ma Jlo Na Kú!” (Atọ̀họ̀-Nuhihọ́ lọ Tọn, Sọha 1 2017 tọn)

      Dotoaina jọja delẹ dile yé to zẹẹmẹ basi do numọtolanmẹ he yé nọ tindo gando Jehovah go ji.

      Etẹwẹ E Zẹẹmẹdo Nado Yin Họntọn Jiwheyẹwhe Tọn? (1:46)