• “Mì Ni Hoavun Zogbe Na Yise”!
    Atọ̀họ̀-Nuhihọ́ lọ Tọn—1998 | juin 1

    •  5. Yẹwhegan hohowhenu tọn tẹ́ dè wẹ Juda yihodọ sọn, podọ nawẹ dọdai enẹ do nugbo-yinyin mlẹnmlẹn hẹndi etọn tọn hia gbọn?

      5 Enẹgodo, Juda dlẹnalọdo whẹdida he gbẹ́ ja to nukọnmẹ de. E yihodọ sọn dọdai Enọku tọn mẹ—wefọ de he mayin mimọ to fidevo depope to Owe-wiwe gbọdo lọ mẹ.a (Juda 14, 15) Enọku dọ dọdai ojlẹ de tọn to whenuena Jehovah na dawhẹna omẹ jijọ-madi-Jiwheyẹwhe tọn lẹpo gọna walọyizan ylankan yetọn lẹ. Po awuvivi po, Enọku yí hogbe he basi zẹẹmẹ nujijọ he ko wayi tọn zan, na whẹdida Jiwheyẹwhe tọn lẹ yin nujikudo tọn taidi dọ yé ko wá nkọtọn. Mẹsusu sọgan ko deapui do Enọku podọ to godo mẹ do Noa, ṣigba mẹṣankotọ mọnkọtọn lẹpo siọ to Osingigọ globu tọn lọ mẹ.

  • “Mì Ni Hoavun Zogbe Na Yise”!
    Atọ̀họ̀-Nuhihọ́ lọ Tọn—1998 | juin 1

    • a Dodinnanutọ delẹ dọ dọ Juda to hoyidọ sọn owe he mayin gbọdo Owe Enọku tọn mẹ. Etomọṣo, R. C. H. Lenski doayi e go dọmọ: “Míwlẹ kanse: ‘Etẹwẹ yin asisa owe agbote ehe tọn, yèdọ Owe Enọku tọn lọ?’ Owe ehe yin nuyidogọ poun de, podọ mẹdepope mayọn azán adà voovo etọn lẹ tọn . . . ; vlavo, mẹdepope ma sọgan hẹn ẹn diun dọ hodidọ etọn delẹ ma tọ́n sọn Juda lọsu de.”