• Azọ̀nylankan Jehovah Tọn lẹ Do Mẹylọhodotọklisti Ji
    Osọhia—Hẹndi Pete Etọn Sẹpọ!

    • 29. Etẹwẹ hẹn hẹndi wá na yẹhiadonu lọ he yin “sunwhlẹvu daho de [he] . . . to jiji di zogban” tọn, podọ etẹwutu?

      29 Mí ko dọho do yẹhiadonu sunwhlẹvu de tọn ji to wẹndomẹ Jesu tọn lẹ hlan agun ṣinawe lẹ mẹ, he mẹ sunwhlẹvu ṣinawe lẹ nọtena mẹho lẹ to agun lẹ mẹ te.b (Osọhia 1:20) Sunwhlẹvu yiamisisadode lẹ, to pọmẹ po mẹyiamisisadode devo lẹpo po, nọ nọ̀ otẹn olọn mẹ tọn lẹ mẹ to gbigbọ-liho sọn ojlẹ lọ mẹ he ye ko yin ohia do ogo na po gbigbọ wiwe po taidi opagbe de hlan ogu olọn mẹ tọn yetọn. (Efesunu lẹ 2:6, 7) Ṣigba, apọsteli Paulu na avase dọ to omẹ taidi sunwhlẹvu mọnkọtọn lẹ ṣẹnṣẹn wẹ atẹṣitọ lẹ, kinklan basitọ lẹ na fọnṣite te he na klọ lẹngbọpo lọ. (Owalọ lẹ 20:29, 30) Nugbonọ mayin mọnkọtọn na dekọtọn do atẹṣiṣi daho de mẹ, podọ mẹho he jai enẹlẹ na wá wleawuna dawe ylandonọ bẹplidopọ de he na ze ede daga jẹ otẹn di yẹwhe de tọn mẹ to gbẹtọvi lẹ ṣẹnṣẹn. (2 Tẹsalonikanu lẹ 2:3, 4) Avase Paulu tọn lẹ mọ hẹndi yi whenuena nukọntọ Mẹylọhodotọklisti tọn lẹ sọawuhia to nujijọ aihọn tọn mẹ. Pipli ehe yin yẹdena ganji dogbọn yẹhiadonu “sunwhlẹvu daho de [he] . . . to jiji di zogban” de dali.

  • Azọ̀nylankan Jehovah Tọn lẹ Do Mẹylọhodotọklisti Ji
    Osọhia—Hẹndi Pete Etọn Sẹpọ!

    • b Whenuena e yindọ sunwhlẹvu ṣinawe lẹ to adusilọ Jesu tọn mẹ nọtena nugopọntọ yiamisisadode lẹ to agun Klistiani tọn mẹ, mẹho lẹ to nudi agun 100 000 lẹ mẹ lẹdo aihọn pe todin tin to gbẹtọ susugege lọ mẹ. (Osọhia 1:16; 7:9) Etẹwẹ yin teninọ yetọn? Dile e ko yindọ ye nọ mọ mẹdidè yetọn yí dogbọn gbigbọ wiwe dali gbọn afanumẹ nugbonọ, nuyọnẹntọ lọ gblamẹ, yè sọgan dọ dọ ehenọ lẹ tin to adusilọ anademẹ tọn Jesu tọn glọ, na ye yin lẹngbọhọtọ pẹvi etọn lẹ ga. (Isaia 61:5, 6; Owalọ lẹ 20:28) Ye nọ tin to godona “sunwhlẹvu ṣinawe lẹ” to enẹ mẹ dọ ye nọ wadevizọn to fie mẹmẹsunnu yiamisisadode he tindo jẹhẹnu lẹ ma tin to aimẹ te.