Ahọsumẹ de sọn Jehovah Dè

1. Nugbonọ wẹ Jah; e sọ yọ́n mẹhe to

Sinsẹ̀n p’ahundopo po lẹ.

E yọnẹn dọ mẹdezejo yetọn nọ zọ́n

Bọ yé nọ hẹn nususu bu.

Eyin hiẹ jo whé, whẹndo, họntọn lẹ do,

Deji dọ Jẹwhe mọdona.

E na sudo lọ din gbọn agun gblamẹ

Bo na wá na we gbẹ̀ ma vọ.

2. Sọn ’jlo mẹ kavi na ninọmẹ wutu,

Mẹdelẹ ko gbọṣi tlẹnmẹ.

Gbọn Họl’du Jẹwhe tọn dindin whẹ́ dali,

Yé duale mẹdezejo tọn.

Mí yọnẹn dọ na yé de nado nọ tlẹnmẹ,

Yé nọ wá tin to ṣokẹdẹ.

Di nọvi omẹ nugbonọ helẹ tọn,

Mí ni nọ nọgodona yé.