Pọndohlan Jiwheyẹwhe Tọn Gando Ohùn Go

Dandannu de wẹ ohùn yin. Matin ohùn, ode to mí mẹ ma gán nọgbẹ̀. Taidi Mẹdatọ lọ, Jiwheyẹwhe tindo jlọjẹ lọ nado dọ lehe ohùn gán yin yiyizan do. Etẹwẹ e dọ gando ohùn go? Be yè gán dù i kavi do e do lanmẹ wẹ ya? Podọ nawẹ a gán basi nudide dagbe lẹ gando whẹho ehe go gbọn?

1. Nukun tẹwẹ Jehovah nọ yí do pọ́n ohùn?

To ojlẹ he mẹ Biblu yin kinkan te, Jehovah dọna sinsẹ̀n-basitọ etọn lẹ dọmọ: “Ogbẹ̀ nutogbẹ̀ wunmẹ lẹpo tọn tin to ohùn etọn mẹ.” (Levitiku 17:14) To nukun Jehovah tọn mẹ, ohùn nọtena ogbẹ̀. To whenuena e yindọ ogbẹ̀ yin nunina wiwe de sọn Jiwheyẹwhe dè, ohùn lọsu yin onú wiwe de.

2. Aliho ohùn yiyizan tọn tẹlẹ wẹ Jiwheyẹwhe jẹagọdo?

Jehovah degbena sinsẹ̀n-basitọ etọn he nọgbẹ̀ jẹnukọnna ojlẹ Klistiani tọn lẹ ma nado nọ dù ohùn. (Hia Jenẹsisi 9:4 gọna Levitiku 17:10.) To ojlẹ Klistiani lẹ tọn mẹ, Jehovah yí hagbẹ anademẹtọ lọ zan nado vọ́ nùzindo gbedide enẹ ji to whenue yé na anademẹ Klistiani lẹ “nado nọla . . . na ohùn.”—Hia Owalọ lẹ 15:28, 29.

Etẹwẹ e zẹẹmẹdo nado nọla na ohùn? Eyin doto de dọna we dọ a ni nọla na ahàn sinsinyẹn, e họnwun dọ a ma na nù i. Ṣigba, be a na nọ dù núdùdù he bẹ ahàn sinsinyẹn hẹn lẹ, kavi yigbe dọ ahàn sinsinyẹn ni yin dido do lanmẹ na we wẹ ya? Paali. To aliho dopolọ mẹ, gbedide Jiwheyẹwhe tọn nado nọla na ohùn zẹẹmẹdo dọ mí ma dona nọ nù i kavi dù olàn kanlin he yè ma sọn ohùn yetọn kọnyinai lẹ tọn. Mọjanwẹ mí masọ dona dù núdùdù depope he mẹ ohùn tin te do niyẹn.

Bọ eyin e wá biọ dọ yè ni yí ohùn zan na nukunpedomẹgo dotowhé tọn lo? E nọ họnwun dọ nukunpedomẹgo dotowhé tọn delẹ gbà osẹ́n Jiwheyẹwhe tọn tlọlọ. Yé nọ bẹ ohùn blebu dido kavi depope to nugonu tangan etọn lẹ mẹ—enẹ wẹ nugonu vẹẹ, nugonu wewe, plaquettes po plasma po dido hẹn. Aliho nukunpedomẹgo tọn devo lẹ tin he e gán nọma họnwun dọ yé gbà osẹ́n Jiwheyẹwhe tọn kavi lala. Di apajlẹ, delẹ to nukunpedomẹgo dotowhé tọn lẹ mẹ nọ biọ dọ nugonu pẹvi pete ohùn tọn he yin didesọn dopo to nugonu tangan ohùn tọn lẹ mẹ ni yin yiyizan. Aliho nukunpedomẹgo tọn devo lẹ nọ biọ dọ yè ni yí ohùn mẹtọn titi zan. To whenue mí to aliho voovo ehelẹ dà pọ́n nado yọ́n dehe mí na de, dopodopo mítọn wẹ dona basi nudide mẹdetiti tọn lẹ.a—Galatianu lẹ 6:5.

DINDONANU DOGỌ

3. Nọ de nukunpedomẹgo dotowhé tọn he na hẹn homẹhun Jehovah lẹ

Nawẹ a gán de nukunpedomẹgo dotowhé tọn he sọgbe hẹ pọndohlan Jiwheyẹwhe tọn lẹ gbọn? Hò VIDEO lọ, enẹgodo dọhodo lehe e yin nujọnu sọ nado hodo afọdide he bọdego lẹ do ji.

VIDEO: Lehe A Gán Basi Nudide Gando Whẹho Ohùn Tọn lẹ Go Do (5:47)

• Nọ hodẹ̀ nado biọ nuyọnẹn.—Jakọbu 1:5.

• Nọ basi dodinnanu do nunọwhinnusẹ́n Biblu tọn lẹ ji gọna lehe yé gando whẹho lọ go do.—Howhinwhẹn lẹ 13:16.

• Nọ dindona aliho nukunpedomẹgo tọn he tin-to-aimẹ to lẹdo he mẹ a nọ nọ̀ lẹ.

• Doayi nukunpedomẹgo dotowhé tọn he e họnwun dọ a ma gán kẹalọyi lẹ go.

• Hẹn ẹn diun dọ a basi nudide he na zọ́n bọ a na tindo ayihadawhẹnamẹnu wiwe de.—Owalọ lẹ 24:16.b

• Mọnukunnujẹemẹ dọ mẹdepope—etlẹ yin alọwlemẹ towe, mẹho agun tọn, kavi mẹhe plọn Biblu hẹ we—ma dona dọ nudide he a dona basi gando whẹho ayihadawhẹnamẹnu tọn lẹ go na we.—Lomunu lẹ 14:12.

• Kàn nudide towe do wema de ji.

4. Kunnudetọ Jehovah tọn lẹ nọ dín nukunpedomẹgo dotowhé tọn dagbe hugan lẹ

Mí sọgan yìn osẹ́n he Jiwheyẹwhe do gando ohùn go ṣogan bo mọ nukunpedomẹgo dotowhé tọn dagbe he ma bẹ ohùn hẹn lẹ yí. Hò VIDEO lọ.

VIDEO: Hokinkanse Mẹplọntọ Massimo P. Franchi, M.D. (1:36)

Hia Titu 3:2, enẹgodo dọhodo kanbiọ ehe ji:

• Naegbọn mí dona nọ do gbigbọ gbekọndopọ po walọmimiọn po tọn hia to whenue mí to nuwadopọ hẹ dotozọ́nwatọ lẹ?

Ma gán yin alọkẹyi	Nudide mẹdetiti tọn
A. Plasma	Nugonu pẹvi pete sọn plasma mẹ
B. Nugonu wewe lẹ	Nugonu pẹvi pete sọn nugonu wewe lẹ mẹ
C. Plaquettes	Nugonu pẹvi pete sọn plaquettes mẹ
D. Nugonu vẹẹ lẹ	Nugonu pẹvi pete sọn nugonu vẹẹ lẹ mẹ

5. Nudide bibasi gando nugonu pẹvi pete ohùn tọn lẹ go

Nugonu tangan ẹnẹ wẹ ohùn bẹhẹn—enẹ wẹ nugonu vẹẹ lẹ, nugonu wewe lẹ, plaquettes po plasma po. Nugonu tangan enẹlẹ bẹ adà flinflin susu hẹn, he nọ yin yiylọdọ nugonu pẹvi pete ohùn tọn lẹ.c Nugonu pẹvi pete ohùn tọn delẹ nọ yin yiyizan nado wleawuna amasin he nọ hoavùn sọta azọ̀n delẹ kavi amasin he sọgan gọalọ nado doalọtena hùndidi lẹ.

Na nuhe dù nugonu pẹvi pete ohùn tọn lẹ, Klistiani dopodopo wẹ dona basi nudide mẹdetiti tọn sọgbe hẹ ayihadawhẹnamẹnu etọn he yin pinplọn gbọn Biblu dali. Mẹdelẹ gán de ma nado kẹalọyi nukunpedomẹgo dotowhé tọn he bẹ nugonu pẹvi pete ohùn tọn lẹ yiyizan hẹn lẹ. Mẹdevo lẹ gán mọdọ ayihadawhẹnamẹnu yetọn yigbe dọ yé ni kẹalọyi nugonu pẹvi pete lẹ.

To whenue a to nudide towe lẹ basi, lẹnnupọndo kanbiọ ehe ji:

• Nawẹ n’gán basi zẹẹmẹ nuhewutu n’gbẹ́ kavi kẹalọyi nugonu pẹvi pete ohùn tọn delẹ tọn na doto de gbọn?

BLADOPỌ

Jehovah jlo dọ mí ni dapana ohùn yiyizan to aliho he ma sọgbe mẹ.

Dogbapọn

• Naegbọn Jehovah do nọ pọ́n ohùn hlan di onú wiwe?

• Nawẹ mí wagbọn do yọnẹn dọ gbedide Jiwheyẹwhe tọn lọ nado nọla na ohùn gando hùndido go ga?

• Nawẹ a sọgan basi nudide dagbe lẹ gando nukunpedomẹgo dotowhé tọn he bẹ ohùn yiyizan hẹn lẹ go gbọn?

PỌ́N NUDỌNAMẸ DEVO LẸ

Etẹlẹ ji wẹ a dona nọ lẹnnupọndo to whenue a to nudide basi gando nukunpedomẹgo dotowhé tọn he bẹ ohùn towe titi yiyizan hẹn lẹ go?

“Kanbiọ lẹ sọn Wehiatọ lẹ Dè” (Atọ̀họ̀-Nuhihọ́ lọ Tọn, 15 octobre 2000 tọn)

Etẹ ji wẹ a dona nọ lẹnnupọndo to whenue a to nudide basi vlavo nado kẹalọyi nugonu pẹvi pete ohùn tọn lẹ kavi lala?

“Kanbiọ lẹ sọn Wehiatọ lẹ Dè” (Atọ̀họ̀-Nuhihọ́ lọ Tọn, 15 juin 2004 tọn)

Etẹwẹ gọalọna dotozọ́nwatọ de nado yise dọ pọndohlan Jehovah tọn gando ohùn go sọgbe hẹ lẹnpọn dagbe?

“N’Wá Kẹalọyi Pọndohlan Jiwheyẹwhe Tọn Gando Ohùn Go” (Fọ́n!, 8 décembre 2003 tọn)

Pọ́n lehe mẹho agun tọn he to sinsẹ̀n to Wedegbẹ́ Whẹgbọtọ Dotowhé tọn mẹ lẹ nọ nọgodona mẹmẹsunnu po mẹmẹyọnnu yetọn lẹ po do.

Jehovah Nọ Gọalọna Mẹhe to Azọ̀njẹ Lẹ 10:23