DARASI NA 1

Gabatarwa Mai Daɗi

Ayyukan Manzanni 17:22

ABIN DA ZA KA YI: Gabatarwarka ta zama wadda za ta jawo hankali, ta yi daidai da jigon jawabin ta kuma nuna wa masu sauraron yadda za su amfana daga batun.

YADDA ZA KA YI HAKAN:

Ka ja hankalin mutane. Ka yi amfani da tambaya ko labarin wani ko abin da ka ji a rediyo ko talabijin da zai ja hankalin masu sauraronka.

Ka yi tunani sosai a kan batutuwan da masu sauraronka suke so da abubuwan da ke damunsu, sai ka yi amfani da gabatarwar da ta shafi batun.
Ka bayyana jigon jawabin. Ka tabbata cewa gabatarwarka ta yi daidai da jigon jawabinka da kuma saƙon da ke ciki.
Ka nuna yadda batun yake da muhimmanci. Ka faɗi abin da ya fi damun masu sauraronka. Ka sa su fahimci yadda batun zai iya taimaka musu.

A lokacin da kake shirya jawabinka, ka tambayi kanka, ‘Waɗanne irin matsaloli ne ’yan’uwa maza da mata a ikilisiya suke fuskanta?’ Hakan zai sa ka yi amfani da gabatarwa da ta yi daidai da bukatunsu.