18 “Magpili kamo sing mga hukom+ kag mga manugdumala para sa kada tribo sa tanan nga siudad* nga ginahatag sa inyo ni Jehova, kag hukman nila sing matarong ang katawhan.

8 “Kon may kaso sa inyo siudad nga nabudlayan kamo magdesisyon, ayhan tuhoy sa pagpaagay sing dugo,+ ukon legal nga panumbungon, ukon masingki nga buhat, ukon kasuayon, magkadto kamo sa lugar nga pilion ni Jehova nga inyo Dios.+ 9 Magkadto kamo sa mga saserdote nga Levinhon kag sa hukom+ nga nagaalagad sa sina nga tion, kag magpamangkot kamo sa ila. Ihatag nila sa inyo ang desisyon.+

16 Kon ang isa ka saksi may malain nga tuyo kag nagtestigo sia nga nakahimo sing sala ang isa ka tawo,+ 17 sila nga duha nga may kasuayon magtindog sa atubangan ni Jehova, sa atubangan sang mga saserdote kag mga hukom nga nagaalagad sa sina nga tion.+