14 “‘Apang, kon indi kamo magpamati sa akon ukon kon indi ninyo pagtumanon ining tanan nga sugo,+ 15 kag kon sikwayon ninyo ang akon mga pagsulundan,+ kag kon kaugtan ninyo* ang akon mga kasuguan, kag indi ninyo paghimuon ang tanan ko nga sugo, kag lapason ninyo ang akon katipan,+ 16 amo sini ang himuon ko sa inyo: Silutan ko kamo kag mahadlukan kamo bangod sang anos kag mataas nga hilanat, nga magapadulom sang inyo mga mata kag magapaluya sa inyo.* Mangin wala pulos ang pagsab-ug ninyo sing binhi, kay mga kaaway ninyo ang magakaon sini.+ 17 Sikwayon ko kamo, kag mapierde kamo sang inyo mga kaaway.+ Sakupon kamo sang mga nagadumot sa inyo,+ kag magapalagyo kamo bisan wala sing nagalagas sa inyo.+

15 “Apang kon indi kamo magpamati kay Jehova nga inyo Dios paagi sa pagtuman sang tanan niya nga sugo kag mga pagsulundan nga ginasugo ko subong sa inyo, magaabot sa inyo ining tanan nga pagpakamalaut:+

63 “Kag kon nalipay anay si Jehova sa pagpauswag kag sa pagpadamo sa inyo, malipay man si Jehova sa paglaglag kag sa pagpapas sa inyo; kag gabuton kamo sa duta nga panag-iyahan ninyo.