16 Nagsabat si Jehova kay Moises: “Magtipon ka para sa akon sing 70 ka lalaki halin sa mga gulang sang Israel, nga kilala mo nga mga gulang kag mga manugdumala sang katawhan.+ Dalha sila sa tolda nga tilipunan, kag patinduga sila didto upod sa imo. 17 Magapanaug ako+ kag magapakighambal sa imo didto.+ Magakuha ako sa espiritu+ nga yara sa imo kag ibutang ini sa ila, kag buligan ka nila sa pagdumala sa katawhan agod indi lang ikaw isa ang magapas-an sini nga responsibilidad.+