17 Ginsugo sila sang hari nga magbasbas sing dalagku kag maayo sing klase nga mga bato,+ agod himuon nga pundasyon+ sang balay.+

9 Ini tanan, halin sa pundasyon tubtob sa ibabaw sang pader kag tubtob sa daku nga luwang,+ human sa maayo nga klase sang bato+ nga ginlagari kag ginbasbasan ang tanan nga kilid suno sa husto nga takus. 10 Dalagku kag maayo nga klase sang mga bato ang gingamit sa pundasyon. Ang iban nga mga bato may kadakuon nga napulo ka maniko, kag ang iban walo ka maniko. 11 Ginsampawan ini sing maayo nga klase sang mga bato nga ginbasbasan suno sa husto nga takus, kag may gingamit man nga sedro. 12 Ang palibot sang daku nga luwang napaderan sing tatlo ka sampaw sang nabasbasan nga mga bato kag ginsampawan pa gid sing kahoy nga sedro, pareho sa pader sang nasulod nga luwang+ sang balay ni Jehova kag sa portiko sang balay.+