Watchtower ONLINE NGA LIBRARY

Watchtower ONLINE NGA LIBRARY

ONLINE NGA LIBRARY

1 Samuel 15:22

Bag-ong Kalibutan nga Badbad sang Balaan nga Kasulatan
- 22 Nagsiling si Samuel: “Mas malipay bala si Jehova sa mga dulot nga sinunog kag sa mga halad+ sangsa pagtuman sa tingog ni Jehova? Ang pagtuman mas maayo sangsa paghalad,+ kag ang pagpamati sangsa tambok+ sang mga karnero nga lalaki;

Hulubaton 21:3

Bag-ong Kalibutan nga Badbad sang Balaan nga Kasulatan
- 3 Ang paghimo sing husto kag matarong
  Mas ginakahamut-an ni Jehova sangsa halad.+

Isaias 1:11

Bag-ong Kalibutan nga Badbad sang Balaan nga Kasulatan
- 11 “Ano bala ang pulos sa akon sang inyo madamo nga halad?”+ siling ni Jehova.
  
  “Natak-an na ako sa dulot nga sinunog nga mga karnero nga lalaki+ kag sa tambok sang pinatambok nga mga sapat,+
  Kag wala ako nalipay sa dugo+ sang torite nga mga baka+ kag mga karnero kag mga kanding.+

Miqueas 6:6-8

Bag-ong Kalibutan nga Badbad sang Balaan nga Kasulatan
- 6 Ano ang dalhon ko sa pag-atubang kay Jehova?
  
  Ano ang dalhon ko kon magyaub ako sa Dios sa kahitaasan?
  
  Magaatubang bala ako sa iya nga may dala nga mga dulot nga sinunog,
  Kag mga tinday nga baka nga isa ka tuig ang edad?+
  
  7 Mahamuot bala si Jehova sa linibo ka karnero nga lalaki,
  Sa madamo gid nga lana?+
  
  Ihatag ko bala ang akon panganay nga anak nga lalaki tungod sa akon pagrebelde,
  Ang bunga sang akon lawas tungod sa akon sala?*+
  
  8 O tawo, ginsiling niya sa imo kon ano ang maayo.
  
  Kag ano ang ginapatuman* sa imo ni Jehova?
  
  Amo ang pagpakita sing hustisya,*+ ang paghigugma sa pagkamainunungon,*+
  Kag ang paglakat sing maugdang+ upod sa imo Dios!+

Mateo 9:13

Bag-ong Kalibutan nga Badbad sang Balaan nga Kasulatan
- 13 Lakat kamo kag hibalua kon ano ang kahulugan sini: ‘Kaluoy ang luyag ko, indi halad.’+ Kay wala ako nagkari sa pagtawag sa mga matarong, kundi sa mga makasasala.”

Mateo 12:7

Bag-ong Kalibutan nga Badbad sang Balaan nga Kasulatan
- 7 Apang kon nahangpan ninyo ang kahulugan sini, ‘Kaluoy ang luyag ko,+ indi halad,’+ kuntani wala ninyo ginpakamalaut ang mga wala nakasala.