• Ezequiel 35:10, 11
    Bag-ong Kalibutan nga Badbad sang Balaan nga Kasulatan

    • 10 “Bangod nagsiling ka, ‘Mangin akon ining duha ka pungsod, kag panag-iyahan namon ining duha ka duta,’+ bisan pa yara didto si Jehova, 11 ‘gani subong nga buhi ako,’ siling sang Soberanong Ginuong Jehova, ‘pakig-angutan ko ikaw suno sa kaakig, kahisa, kag dumot nga ginpakita mo sa ila;+ kag ipakilala ko ang akon kaugalingon sa ila kon mahukman ko na ikaw.

  • Sofonias 2:8, 9
    Bag-ong Kalibutan nga Badbad sang Balaan nga Kasulatan

    •  8 “Nabatian ko ang pagpakahuya sang Moab+ kag ang pagpang-insulto sang mga Ammonhon,+

      Nga nagayaguta sa akon katawhan kag nagapahambog nga agawon nila ang kadutaan sang akon katawhan.+

       9 Gani ginapanumpa ko nga subong nga buhi ako,” siling ni Jehova sang mga kasuldadusan, ang Dios sang Israel,

      “Ang Moab mangin pareho sang Sodoma,+

      Kag ang mga Ammonhon mangin pareho sang Gomorra,+

      Isa ka lugar sang tunukon nga mga kahoykahoy, isa ka maasin nga duta, kag isa ka lugar nga nahapay sing permanente.+

      Agawon sang mga nabilin sa akon katawhan ang ila pagkabutang,

      Kag panag-iyahan ini sang mga nabilin sa akon pungsod.