21 Sugod sadto ginpaathag ni Jesus sa iya mga disipulo kon ngaa dapat sia magkadto sa Jerusalem kag mag-antos sing tuman sa mga gulang, sa puno nga mga saserdote, kag sa mga escriba kag pagapatyon sia, kag sa ikatlo nga adlaw pagabanhawon.+

17 Samtang nagataklad sila sa Jerusalem, ginpain ni Jesus ang 12 ka disipulo kag ginsilingan sila:+ 18 “Mataklad kita sa Jerusalem, kag ang Anak sang tawo itugyan sa puno nga mga saserdote kag mga escriba. Pamatbatan nila sia sing kamatayon+ 19 kag itugyan sia sa mga Gentil agod yagutaon, lapdusan, kag ilansang sa usok,+ apang sa ikatlo nga adlaw, banhawon sia.”+

32 Sang nagataklad sila sa dalan pakadto sa Jerusalem, si Jesus nagauna sa iya mga disipulo. Natingala gid sila, kag ang iban nga nagasunod sa ila hinadlukan. Kag gintawag niya liwat ang 12 ka apostoles kag ginsugiran sila sang mahanabo sa iya:+ 33 “Nagataklad kita pakadto sa Jerusalem, kag ang Anak sang tawo itugyan sa puno nga mga saserdote kag mga escriba. Pamatbatan nila sia sing kamatayon kag itugyan sia sa mga Gentil, 34 kag yagutaon nila sia, duplaan, lapdusan, kag patyon, apang sa ikatlo nga adlaw banhawon sia.”+