32 Indi kamo dapat maghimo sing katipan sa ila ukon sa ila mga dios.+ 33 Indi sila dapat mag-istar sa inyo duta, agod indi kamo magpakasala sa akon bangod sa ila. Kon mag-alagad kamo sa ila mga dios, mangin siod gid ini sa inyo.”+

3 Indi kamo magpamana ukon magpangasawa sa ila.* Indi ninyo pag-ihatag ang inyo anak nga babayi sa ila anak nga lalaki. Indi ninyo pagkuhaon ang ila anak nga babayi para sa inyo anak nga lalaki.+ 4 Kay patalikdon nila ang inyo anak sa pagsunod sa akon agod mag-alagad sa iban nga mga dios;+ dayon magadabdab ang kaakig ni Jehova batok sa inyo, kag laglagon niya kamo dayon.+

4 Sang tigulang na si Solomon,+ ginbuyok* sang iya mga asawa ang iya tagipusuon nga magsunod sa iban nga mga dios,+ kag indi bug-os ang* iya tagipusuon kay Jehova nga iya Dios, indi pareho sang tagipusuon sang iya amay nga si David.

39 Ang asawa nahigot sa iya bana samtang buhi pa ang iya bana.+ Apang kon magtulog sa kamatayon ang iya bana, hilway na sia sa pagpamana sa lalaki nga luyag niya, apang sa sumulunod lamang sang Ginuo.+