‘Agod Madula ang Iya Kasubo’

Ang isa ka lalaki nga ginpadala sang iya ginaobrahan sa pungsod sang Oman nagsulat sa sanga talatapan sang Watch Tower Society sa India. “Sang nagligad nga pila ka adlaw,” siling niya, “nakita ko ang libro nga Happiness—How to Find It sa balay sang isa sang akon mga abyan diri. Ang libro sa kabilugan maayo gid. Sa matuodtuod lang, daku gid ang naimpluwensia sining diutay nga libro sa akon, kag luyag ko iregalo ining mahigugmaon gid nga libro sa akon asawa sa amon anibersaryo agod madula ang iya kasubo karon. Palihog himui ako sing pabor paagi sa pagpadala sing kopya sining libro sa akon asawa para sa akon sa pinakamaaga nga mahimo. Ang iya direksion yara sa ibabaw.”

Ining 192-pahina nga libro wala lamang nagahatag sing makapalig-on nga bulig tuhoy sa pag-atubang sa makapahuol nga mga kahimtangan kundi nagatudlo man sang dalan padulong sa dayon nga mga solusyon sang mga problema sa kabuhi.

Palihog padalhi ako, nabayaran na ang selyo, sing nahapinan sing matig-a nga libro nga Happiness—How to Find It. Naglakip ako sing ₱14.