Ang Imo Bala Anak may Personal nga Suskripsion?

AGOD mapalambo sa ila mga anak ang handum sa pagtuon, ang maalam nga mga ginikanan nagahatag sa ila sing maayong mga literatura. Ginapat-od, halimbawa, sang madamo nga ang ila mga anak may personal nga suskripsion para sa balasahon sa Biblia nga Ang Lalantawan, nga ginagamit subong sadsaran sang semanal nga paghambalanay sa Biblia sa mga miting sang mga Saksi ni Jehova. Apang sa ano nga edad ang isa ka anak dapat hatagan sing personal nga suskripsion?

Sang maaga nga bahin sining tuig, ang masunod nga sulat nabaton gikan sa isa ka iloy: “Ining suskripsion para sa amon dos anyos nga anak nga lalaki. Sa tion sang Pagtinuon sa Lalantawan, dapat nga may kaugalingon sia nga kopya. Ginhatagan ko sia sing lain sang wala kami sing ekstra nga kopya, apang natalupangdan niya nga ang mga laragway indi pareho, kag ang luyag niya amo ang guwa nga amon ginagamit. Napat-od ko nga ang matahom nga de-kolor nga mga laragway nagapadayaw bisan sa isa ka bata kag magabulig sa iya sa maaga nga pag-apresyar sa espirituwal nga kalan-on nga indi pa niya mahangpan karon.”

Ngaa indi pat-uron nga ang tagsatagsa sang inyo kabataan may personal nga suskripsion para sa Ang Lalantawan? Batuna ang suskripsion sa isa ka tuig paagi sa pagsulat kag pagpadala sang kaupod nga kupon, lakip ang ₱60.

Palihog ipadala Ang Lalantawan. Naglakip ako sing ₱60.