Mga Pahibalo

◼ Tanyag nga literatura sa Septiembre: Ano Gid ang Ginatudlo Sang Biblia? Oktubre: Lalantawan kag Magmata! Kon may magpakita sing interes, itanyag ang tract nga Luyag Mo Bala Mahibaluan ang Kamatuoran? kag tinguhai nga makasugod sing pagtuon sa Biblia. Nobiembre: Ang Biblia—Ano ang Mensahe Sini? ukon bisan ano nga brosyur nga yara sa stock sang kongregasyon. Disiembre: Ang Pinakabantog nga Tawo nga Nagkabuhi. Kon may mga kabataan sa panimalay, itanyag ang Magtuon Gikan sa Daku nga Manunudlo ukon Ang Akon Libro Sang mga Sugilanon sa Biblia.

◼ Ang duha ka video nga Jehovah’s Witnesses—Faith in Action, Part 1: Out of Darkness kag The Wonders of Creation Reveal God’s Glory pagabinagbinagon sa masunod nga mga Miting sa Serbisyo. Kon kinahanglanon, dapat mangabay na kamo dayon sing mga kopya sini paagi sa kongregasyon.

◼ Dapat i-awdit sang isa nga gintangdo sang koordenitor sang hubon sang mga gulang ang kuenta sang kongregasyon sa bulan sang Hunyo, Hulyo, kag Agosto.—Tan-awa ang Instructions for Congregation Accounting (S-27).

◼ Ang pinasahi nga pamulongpulong publiko para sa panahon sang Memoryal sa 2012 ihatag sa semana sang Abril 2. Ang tema sang pamulongpulong ipahibalo sa ulihi. Wala sing kongregasyon ang magahatag sing pinasahi nga pamulongpulong antes sang Memoryal.

◼ Ang mga manugbantala nga magaauxiliary payunir sa Marso 2012 puede makapili sing 30 ukon 50 nga lalab-uton nga oras sa sina nga bulan. Dugang pa, kon ang manugtatap sang sirkito magaduaw sa kongregasyon sa Marso, ang tanan nga nag-auxiliary payunir, 30 man ukon 50 ang ginpili nga lalab-uton nga oras, ginaagda nga magtambong sa bug-os nga miting sang manugtatap sang sirkito sa mga regular payunir.