• “Si Jehova . . . Daku sa Gahom”
    Mangin Suod kay Jehova

    • 15. Ginagamit ni Jehova ang iya gahom para sa anong katuyuan may kaangtanan sa iya mga alagad kag paano ini ginpasundayag sa bahin ni Elias?

      15 Ginagamit man ni Jehova ang iya gahom agod makabenepisyo kita subong mga indibiduwal. Talupangda ang ginasiling sang 2 Cronica 16:9: “Tuhoy kay Jehova, ang iya mga mata nagapanuloktulok sa bug-os nga duta agod ipakita ang iya kusog tungod sa ila nga ang tagipusuon himpit ayon sa iya.” Ang naeksperiensiahan ni Elias, nga ginsambit sa umpisa, isa ka halimbawa sini. Ngaa ginpakita sa iya ni Jehova yadtong makapahayanghag nga pagpasundayag sang iya gahom? Bueno, nanumpa ang malaut nga si Reyna Jezebel nga ipapatay si Elias. Nalagyo ang manalagna para sa iya kabuhi. Ginbatyag niya nga isahanon lamang sia. Hinadlukan sia kag ginluyahan sang buot—nga daw subong bala ang tanan nga ginpangabudlayan niya sing lakas nangin walay pulos. Agod lugpayan ang nagsalangisag nga manalagna, maathag nga ginpahanumdom ni Jehova kay Elias ang iya gahom. Ginpakita sang hangin, linog, kag kalayo nga ang labing gamhanan nga Persona sa uniberso upod kay Elias. Ano ang kahadlukan niya kay Jezebel, kon ang labing gamhanan nga Dios dampig sa iya?—1 Hari 19:1-12.b

  • “Si Jehova . . . Daku sa Gahom”
    Mangin Suod kay Jehova

    • b Ang Biblia nagasiling nga “si Jehova wala sa hangin . . . , sa linog . . . , sa kalayo.” Indi subong sang mga sumilimba sa kinaugali nga mga elemento nga ginapakadios sa mitolohiya, ang mga alagad ni Jehova wala nagapangita sa iya sa mga puwersa sang kinaugali. Tuman sa iya kadaku nga mag-igo sa bisan ano nga gintuga niya.—1 Hari 8:27.