7. Ilaragway ang mga kahimtangan sa Juda sang adlaw ni Isaias.

⁷ Si Isaias kag ang iya pamilya nagkabuhi sa tion sang kagamo sa maragtas sang Juda. Lapnag ang politikal nga kinagubot, ang mga hukmanan namusingan sing mga hamham, kag nalusod ang relihioso nga sadsaran sang katilingban bangod sang pagkasalimpapaw. Ang mga bakulod natabunan sing mga halaran para sa butig nga mga dios. Bisan gani ang pila sang mga hari nagsakdag sang pagano nga pagsimba. Si Ahaz, halimbawa, wala lamang magtugot sang idolatriya sa tunga sang iya mga sakop kundi sia mismo nakigbahin sa sini, kag “ginpaagi sa kalayo” ang iya mismo anak sa isa ka ritwal nga halad sa dios sang mga Canaanhon nga si Molec.b (2 Hari 16:3, 4; 2 Cronica 28:3, 4) Kag ini tanan natabo sa tunga sang katawhan nga nakigkatipan kay Jehova!—Exodo 19:5-8.