“Mga Talalupangdon sa Biblia” sa Paghatag sing Dugang nga Paghangop

SANG ang mga Judiyo nagpauli gikan sa pagkatinapok sa Babilonia sadtong ikaanum nga siglo B.C.E., ang responsable nga mga lalaki sa tunga nila “nagtipon kay Esdras nga manugkopya, agod maathagan sa mga pulong sang kasugoan.” Ano ang resulta sang ila dugang nga paghangop? Ti, ang mga tawo naghiwat sang indi kinaandan nga Piesta sang mga Kayangkayang nga may “daku nga kasadya”!—Nehemias 8:13-18.

Subong ginailustrar sing maayo sina nga halimbawa, ang paghangop sa Kasulatan may tuman kaayo nga epekto sa katawhan sang Dios. Sing nahisuno, sa mga guwa sang Enero 15, Pebrero 15, kag Marso 15, 1986, Ang Lalantawan magaunod sing bahin nga natig-ulohan “Mga Talalupangdon sa Biblia.” Sa bulig sining mga artikulo ang mga bumalasa makatigayon sing dugang nga paghangop sa mga tolon-an sang Esdras, Nehemias, kag Ester sa Biblia.

Ini nga pagtuon magabulig sa aton nga buhion liwat ang makalilipay nga mga hitabo nga may kaangtanan sa pagpasag-uli sa matuod nga pagsimba sa Jerusalem, sa pagtukod sang templo ni Jehova didto, kag sa pag-amlig sa katawhan sang Dios sa atubangan sang pagsalakay sang kaaway. Sa pagkamatuod, paagi sa pagbasa sining mga tolon-an subong ginapanugda sa “Mga Talalupangdon sa Biblia,” ang mga Saksi ni Jehova kag ang ila mga abyan makatigayon sing dugang nga benepisyo gikan sa pagtuptop sa amo man Makasulatanhon nga materyal sa semanal nga Teokratikong Eskwelahan sa Ministeryo. Dugang pa, ang mga utod nga gintangdo nga magpresentar sang “Mga Talalupangdon Gikan sa Pagbasa sang Biblia” sa programa sang eskwelahan mapuslanon nga makagamit sang bahin nga “Mga Talalupangdon sa Biblia” sa pagsabat sa Makasulatanhon nga mga pamangkot kag sa pagtudlo sang mga leksion para sa aton.—Roma 15:4.

[Tsart sa pahina 7]

Mga Hari sang Persia nga Ginsambit sa Esdras, Nehemias, kag Ester

Paggahom (B.C.E.) Sekular nga Ngalan Ngalan sa Biblia Reperensya sa Kasulatan

c. 550-529 Ciro nga Daku Ciro Esdras 1:1; 4:5

529-522 Cambyses II Asuero Esdras 4:6

522(8 ka bulan)Gaumata (Smerdis) Artajerjes I Esdras 4:7-23

486-474 Xerxes I Asuero Tolon-an ni Ester