5. Masarangan mo ang mga kabudlayan nga magpugong sa imo nga magpabawtismo

Kon magdesisyon kita nga magdedikar kay Jehova kag magpabawtismo, makaeksperiensia kita sang mga kabudlayan. Tan-awa ang VIDEO para makita mo ang isa ka halimbawa, dayon binagbinaga ang masunod nga mga pamangkot.

VIDEO: Kon Palangga Naton si Jehova Masarangan Naton ang mga Kabudlayan (5:22)

• Sa video, ano ang nagpugong kay Narangerel nga mag-alagad kay Jehova?

• Paano ang iya pagpalangga kay Jehova nakabulig sa iya nga masarangan ang mga kabudlayan?

Basaha ang Hulubaton 29:25 kag 2 Timoteo 1:7, dayon binagbinaga ini nga pamangkot:

• Ano ang nagahatag sa aton sing kaisog para masarangan ang mga kabudlayan?

Dapat naton pabakuron subong ang aton pagsalig kay Jehova. Mangamuyo sa iya kada adlaw kag pirme basaha ang iya Pulong. Magtambong sing regular sa mga miting sang kongregasyon. Tanan ini makahatag sa imo sing kaisog kon hingabuton ka, bisan sang imo pamilya. Si apostol Pablo nga nakaeksperiensia sang madamo nga paghingabot, nagsulat: “Si Jehova ang akon manugbulig; indi ako magkahadlok.”—Hebreo 13:6.

Makahatag man sa aton sing kaisog ang pagbantala. Kon pirme kita nagabantala, nagabakod ang aton pagsalig kay Jehova kag indi na kita mahadlok sa mga tawo. (Hulubaton 29:25) Kon may kaisog ka sa pagbantala subong, makapadayon ka sa pagbantala bisan pa dumilian sang gobierno ang aton hilikuton.—1 Tesalonica 2:2.