Ang Paghambal Nagapataas sang Presyon sang Dugo

“ANG simple nga paghambal—indi akig, ukon nahadlok, kundi ang paghambal lamang—daw hinali nga nagapataas sang presyon sang dugo,” report sang “Aviation Safety” nga magasin. Ginapakita man sini nga ang may mataas na nga presyon sang dugo ukon ang nagatomar sing bulong sa pagkontrol sini labi na nga madali maapektohan sini. Sa kamatuoran, para sa tanan nga tawo “ang presyon nagataas halin sa 10 tubtob 50 porsiento.” Kag ang labing makatilingala amo nga “ini gihapon nga kaangtanan sang presyon sang dugo matuod man sa bungol nga mga tawo nga nagahambal paagi sa sinyas.”

Nagakahulugan ini nga, suno sa report, bisan ang diutay nga paghambal samtang ginakuha sang doktor ang presyon sang imo dugo nagapataas sini. Matuod, ina nga paghambal “ginatuyo nga mangin mainabyanon kag makarelaks,” apang ‘ginapataas gid sini ang presyon.’ Sa pihak nga bahin, “ang mga pagtuon nagapakita nga ang pagpamati nagabulig sa pagpanubo sang presyon sang dugo.” Sing maathag, ang laygay sang Dios sa Hulubaton 21:23 wala lamang nagadala sing nag-uswag nga kaangtanan sa mga tawo kundi sing mga kaayuhan man sa lawas.