• Paano Kita Makahimo sing Maayo nga Desisyon?
    Magkabuhi sing Wala Katapusan!—Interactive nga Pagtuon sa Biblia

    • 5. Respetuha ang konsiensia sang iban

      Lainlain ang desisyon sang kada tawo. Paano naton mapakita nga ginarespeto naton ang konsiensia sang iban? Binagbinaga ang duha ka sitwasyon:

      Una nga sitwasyon: Ang sister nga mahilig mag-make-up nagsaylo sa kongregasyon nga ang kalabanan nga sister nasaw-ahan magtan-aw sa naka-make-up.

      Basaha ang Roma 15:1 kag 1 Corinto 10:23, 24, dayon binagbinaga ini nga mga pamangkot:

      • Base sa sini nga mga bersikulo, ano ang puede himuon sang sister? Ano ang himuon mo kon may ginahimo ka nga ginatugot sang imo konsiensia pero wala ginatugot sang konsiensia sang upod mo?

      Ikaduha nga sitwasyon: Kabalo ang brother nga wala ginadumilian sang Biblia ang haganhagan nga pag-inom, pero nagdesisyon sia nga indi mag-inom. Gin-agda sia sa isa ka panyapon kag nakita niya ang mga brother nga nagainom.

      Basaha ang Manugwali 7:16 kag Roma 14:1, 10, dayon binagbinaga ini nga mga pamangkot:

      • Base sa sini nga mga bersikulo, ano ang puede himuon sang brother? Ano ang himuon mo kon nakita mo nga may ginahimo ang iban nga wala ginatugot sang imo konsiensia?

      Paano ka makahimo sing maayo nga desisyon?

      Babayi nga nagapangamuyo.

      1. Mangayo sing bulig kay Jehova kon ano ang dapat mo himuon.—Santiago 1:5.

      Amo gihapon nga babayi nga naga-research paagi sa Biblia, mga publikasyon nga base sa Biblia, kag kompyuter.

      2. Mag-research sa Biblia kag sa mga publikasyon nga base sa Biblia para mabal-an mo ang mga prinsipio nga makabulig sa imo. Puede ka man magpabulig sa hamtong nga mga Cristiano.

      Amo gihapon nga babayi nga nagapamensar.

      3. Pamensara kon ano ang epekto sang imo desisyon sa imo konsiensia kag sa konsiensia sang iban.