• “Hatagan Ko Sila sing Manugbantay”
    Putli nga Pagsimba kay Jehova—Napasag-uli Na!
    • Ang una nga daku nga agila sa tagna ni Ezequiel nga may ugbos sang kahoy nga sedro

      Ang una nga daku nga agila nagrepresentar kay Hari Nabocodonosor sang Babilonia (Tan-awa ang parapo 6)

       6. Ano ang buot silingon sang paktakon?

      6 Ano ang buot silingon sang paktakon? (Basaha ang Ezequiel 17:11-15.) Sang 617 B.C.E., ginlikupan ni Hari Nabocodonosor sang Babilonia (ang una nga “daku nga agila”) ang Jerusalem. Ginpahalin niya ang hari sang Juda nga si Jehoiakin (“ang ugbos sa pinakaibabaw nga sanga”) sa trono kag gindala sia sa Babilonia (ang “siudad sang mga negosyante”). Ginpapungko ni Nabocodonosor si Sedequias (isa sa harianon nga “binhi sang duta”) sa trono sa Jerusalem. Ang bag-o nga hari sang Juda ginpasumpa paagi sa ngalan sang Dios, amo nga obligado sia nga mangin mainunungon nga hari nga kontrolado sang Babilonia. (2 Cron. 36:13) Pero wala gintuman ni Sedequias ang iya panumpa. Nagrebelde sia sa Babilonia kag nagsalig sa puersa-militar sang Paraon sang Egipto (ang ikaduha nga “daku nga agila”) kag napaslawan gid sia. Naakig gid si Jehova sa ginhimo ni Sedequias. (Ezeq. 17:16-21) Sang ulihi, ginpahalin si Sedequias sa trono, kag napatay sia sa prisuhan sa Babilonia.—Jer. 52:6-11.