-
Ginpabakod sang Isa ka Mensahero Gikan sa DiosBinagbinaga ang Tagna ni Daniel!
-
-
9, 10. (a) Diin si Daniel sang mag-abot sa iya ang palanan-awon? (b) Ilaragway kon ano ang nakita ni Daniel sa palanan-awon.
9 Wala malugaw-an si Daniel. Ginasugid niya sa aton kon ano ang masunod nga natabo, sa pagsiling: “Samtang didto ako sa pangpang sang daku nga suba, nga amo, ang Hiddekel, ginbayaw ko man ang akon mga mata kag nagtulok, kag yari karon may isa ka lalaki nga napanaptan sing lino, nga nawagkusan ang iya mga balikawang sing bulawan sang Upaz.” (Daniel 10:4, 5) Ang Hiddekel isa sang apat ka suba nga nagagikan sa hardin sang Eden. (Genesis 2:10-14) Sa Dumaan nga Persianhon, ang Hiddekel kilala nga Tigra, nga amo ang ginhalinan sang Griegong ngalan nga Tigris. Ang rehiyon sa ulot sini kag sang Eufrates gintawag nga Mesopotamia, buot silingon “Duta sa Ulot Sang mga Suba.” Ginapamatud-an sini nga sang mabaton ni Daniel ining palanan-awon, didto pa sia sa duta sang Babilonia, apang mahimo nga indi sa siudad sang Babilonia.
-
-
Ginpabakod sang Isa ka Mensahero Gikan sa DiosBinagbinaga ang Tagna ni Daniel!
-
-
12, 13. Tuhoy sa mensahero, ano ang ginapakita sang (a) iya panapton? ((b) iya dagway?
12 Usisaon naton sing dugang pa ining dikinaandan nga mensahero nga nagpahadlok gid kay Daniel. Sia “napanaptan sing lino, nga nawagkusan ang iya mga balikawang sing bulawan sang Upaz.” Sa dumaan nga Israel, ang wagkus, efod, kag hapin sa dughan sang mataas nga saserdote, subong man ang mga bayo nga malaba sang iban pa nga mga saserdote, ginhimo gikan sa pino nga linubid nga lino kag nadekorasyunan sing bulawan. (Exodo 28:4-8; 39:27-29) Sa amo, ang panapton sang mensahero nagapakita nga balaan kag halangdon ang iya salabton.
13 Napunaw man si Daniel sa dagway sang mensahero—ang iya daw hiyas nga lawas nagainggat, ang iya nagasilak nga nawong makabululag sa kasilaw, ang iya kalayuhon nga mga mata nagalapos, kag ang iya mabakod nga mga butkon kag mga tiil nagabadlak. Bisan gani ang iya daku nga tingog makahaladlok. Ini tanan nagapakita nga sia labaw sa kinaugali. Ining “lalaki nga napanaptan sing lino” wala sing liwan kundi isa ka anghel nga may mataas nga ranggo, isa nga nagaalagad sa balaan nga presensia ni Jehova, diin naghalin sia nga may dala nga mensahe.a
-
-
Ginpabakod sang Isa ka Mensahero Gikan sa DiosBinagbinaga ang Tagna ni Daniel!
-
-
a Bisan pa wala ginhingadlan ining anghel, mahimo nga iya man tingog ang nabatian nga nagasugo kay Gabriel nga buligan si Daniel sa isa ka palanan-awon nga bag-o lang niya nakita. (Ipaanggid ang Daniel 8:2, 15, 16 sa 12:7, 8.) Dugang pa, ginapakita sang Daniel 10:13 nga si Miguel, “isa sang puno nga mga prinsipe,” nag-abot agod buligan ining anghel. Sa amo, ining wala ginhingadlan nga anghel mahimo nga nalipay sa pribilehiyo nga magpanghikot sing suod upod kay Gabriel kag kay Miguel.
-