Paano Ginabantala ang Maayong Balita?

Paagi sa iya Ginharian, dali na lang dulaon ni Jehova ang tanan naton nga problema. Maayo gid ini nga balita nga dapat naton isugid sa iban. Ginsugo ni Jesus ang iya mga sumulunod nga isugid ini nga mensahe sa tanan! (Mateo 28:19, 20) Paano ini ginatuman sang mga Saksi ni Jehova?

1. Paano ang Mateo 24:14 nagakatabo subong?

Nagsiling si Jesus: “Ining maayong balita sang Ginharian ibantala sa bug-os nga duta.” (Mateo 24:14) Nalipay ang mga Saksi ni Jehova sa paghimo sining importante nga hilikuton. Ginabantala namon ang maayong balita sa bilog nga kalibutan sa sobra 1,000 ka lenguahe! Kinahanglan gid ang pagpangabudlay kag maayo nga pag-organisar sa sining daku nga hilikuton. Indi ini mahimo kon wala ang bulig ni Jehova.

2. Ano ang amon ginahimo para mabantalaan ang mga tawo?

Nagabantala kami bisan diin nga may mga tawo. Pareho sa mga Cristiano sang unang siglo, nagabantala kami “sa mga balay.” (Binuhatan 5:42) Paagi sa sini, minilyon ang amon mabantalaan kada tuig. May mga tawo nga wala pirme sa ila balay, gani nagabantala man kami sa publiko nga mga lugar. Nagapangita gid kami pirme sing paagi para masugid sa iban ang parte kay Jehova kag sa iya katuyuan.

3. Sin-o ang may responsibilidad sa pagbantala sang maayong balita?

Ang tanan nga matuod nga Cristiano may responsibilidad nga isugid sa iban ang maayong balita. Gani ginahimo gid namon ini. Nagabantala gid kami suno sa amon masarangan kay kabalo kami nga makaluwas ini sang kabuhi sang mga tawo. (Basaha ang 1 Timoteo 4:16.) Wala kami ginabayaran, kay ang Biblia nagasiling: “Nakabaton kamo nga wala sing bayad, gani maghatag kamo nga wala sing bayad.” (Mateo 10:7, 8) Indi tanan nagapamati sa amon mensahe. Pero padayon kami nga nagabantala kay bahin ini sang amon pagsimba kag mapalipay namon si Jehova.

USISAA PA GID

4. Ginatinguhaan gid namon nga mabantalaan ang tanan nga tawo

VIDEO: Pagbantala “sa Pinakamalayo nga Bahin sang Duta” (7:38)

• Ano ang masiling mo sa ginahimo sang mga Saksi ni Jehova para makabantala?

Basaha ang Mateo 22:39 kag Roma 10:13-15, dayon binagbinaga ini nga mga pamangkot:

• Paano ginapakita sang amon pagbantala nga palangga namon ang amon isigkatawo?

• Ano ang pagtan-aw ni Jehova sa mga nagabantala sang maayong balita?—Tan-awa ang bersikulo 15.

5. Masigkamanugpangabudlay kami sang Dios

Madamo nga eksperiensia ang nagapakita nga ginagiyahan gid ni Jehova ang amon pagbantala. Halimbawa, isa ka hapon sa New Zealand nakilala sang brother nga si Paul ang isa ka babayi samtang nagabantala sila. Sa sina nga aga, nangamuyo ang babayi sa Dios, nga ginagamit ang ngalan sang Dios nga Jehova, kag nangabay sia nga kuntani may magbisita sa iya. “Pagligad sang tatlo ka oras,” siling ni Paul, “nanuktok ako sa ila puertahan.”

Basaha ang 1 Corinto 3:9, dayon binagbinaga ini nga pamangkot:

• Paano ginapakita sang eksperiensia sa New Zealand nga ginagiyahan gid ni Jehova ang pagbantala?

Basaha ang Binuhatan 1:8, dayon binagbinaga ini nga pamangkot:

• Ngaa kinahanglan namon ang bulig ni Jehova sa amon pagbantala?

Kabalo ka bala?

Kada semana sa amon midweek meeting, ginatudluan kami kon paano magbantala. Kon nakatambong ka na sa sini nga mga miting, ano ang masiling mo sa ginatudlo sa amon?

6. Ginatuman namon ang sugo sang Dios nga magbantala

Sang unang siglo, ginapauntat sang mga kaaway sang mga sumulunod ni Jesus ang ila pagbantala. Ginpangapinan sang mga Cristiano sang una ang ila kinamatarong sa pagbantala paagi sa “legal nga pagpamatuod sa . . . maayong balita.” (Filipos 1:7) Amo man sini ang ginahimo sang mga Saksi ni Jehova subong.a

VIDEO: Legal nga Pagpangapin sa Maayong Balita (2:28)

Basaha ang Binuhatan 5:27-42, dayon binagbinaga ini nga pamangkot:

• Ngaa indi kami mag-untat sa pagbantala?—Tan-awa ang bersikulo 29, 38, kag 39.

SUMARYO

Ginsugo ni Jesus ang iya mga sumulunod nga ibantala ang maayong balita sa tanan nga pungsod. Para mahimo ini, ginabuligan ni Jehova ang iya katawhan.

Rebyu

• Paano ginabantala ang maayong balita sa bilog nga kalibutan?

• Paano ginapakita sang amon pagbantala nga palangga namon ang amon isigkatawo?

• Sa banta mo, malipay ka bala kon magbantala ka? Ngaa?

DUGANG NGA IMPORMASYON

Hibalua kon paano ang mga Saksi ni Jehova nagabantala sa mga tawo sa dalagku nga mga siudad.

Special Metropolitan Public Witnessing sa Paris (5:11)

Paano ginbuligan sang mga Saksi ni Jehova ang mga refugee?

Pagpaumpaw sa Espirituwal nga Kauhaw sang mga Refugee (5:59)

Hibalua kon daw ano ka malipayon ang kabuhi sang isa ka full-time nga ministro.

Nalipay Ako kay Amo Ini ang Ginpili Ko nga Karera (6:29)

Hibalua ang importante nga mga desisyon sang korte nga nakabulig para padayon nga mabantala ang maayong balita.

“Ginpasaka sang mga Manugbantala sang Ginharian ang Ila Kaso sa Korte” (Nagagahom ang Ginharian sang Dios!, kapitulo 13)

5. Nagbag-o ang kalibutan sugod sang 1914

Tan-awa ang VIDEO.

VIDEO: Nagbag-o ang Kalibutan Sugod sang 1914 (1:10)

Gintagna ni Jesus ang mangin sitwasyon sang kalibutan kon maghari na sia. Basaha ang Lucas 21:9-11, dayon binagbinaga ini nga pamangkot:

• Diin sa sini ang nakita mo ukon nabatian nga nagakatabo?

Ginsugid ni apostol Pablo ang mangin batasan sang mga tawo sa katapusan nga mga adlaw sang paggahom sang tawo. Basaha ang 2 Timoteo 3:1-5, dayon binagbinaga ini nga pamangkot:

• Diin sa sini nga mga batasan ang nakita mo sa mga tawo subong?

6. Ang dapat naton himuon kay nagagahom na ang Ginharian sang Dios

Basaha ang Mateo 24:3, 14, dayon binagbinaga ini nga mga pamangkot:

• Ano ang importante nga ginahimo subong nga nagapakita nga nagagahom na ang Ginharian sang Dios?

• Ano ang himuon mo para makabantala ka man?

Nagagahom na ang Ginharian sang Dios, kag malapit na nga gamhan sini ang bilog nga duta. Basaha ang Hebreo 10:24, 25, dayon binagbinaga ini nga pamangkot:

• Ano ang dapat naton himuon samtang ‘nakita naton nga malapit na ang adlaw’?