¹⁰ Nahanungod sa diborsio, ginpamangkot si Jesus sining pamangkot: “Tugot bala sa isa ka tawo ang pagsikway sang iya asawa sa bisan anong kabangdanan?” Suno sa rekord ni Marcos, si Jesus nagsiling: “Ang bisan sin-o nga magdiborsio sa iya asawa [luwas kon bangod sa pakighilawas] kag magpangasawa sing iban nagapanglahi batok sa iya, kag kon ang babayi, sa tapos magdiborsio sa iya bana, magpamana ­sing iban, nagapanglahi sia.” (Marcos 10:​10-12; Mateo 19:​3, 9) Yadtong ginpamulong sing ­simple nga mga tinaga nagpakita sing ­pagtaha sa pagkatalahuron sang mga babayi. Paano?

 12. Paagi sa pinamulong “nakapanglahi batok sa iya,” anong ideya ang ginpakilala ni Jesus?

¹² Ikaduha, paagi sa ekspresyon “nagapanglahi batok sa iya,” ginpakilala ni Jesus ang pagtamod nga wala sadto ginkilala sa rabinikong mga hukmanan​—⁠ang ideya tuhoy sa pagpanglahi sang bana batok sa iya asawa. Ang The Expositor’s Bible Commentary nagapaathag: “Sa rabinikong Judaismo ang isa ka babayi paagi sa pagkamaluibon mahimo makapanglahi batok sa iya bana; kag ang isa ka lalaki, paagi sa paghulid sa asawa sang iban nga lalaki, mahimo makapanglahi batok sa iya (sa lalaki). Apang ang isa ka lalaki indi gid makapanglahi batok sa iya asawa, bisan ano man ang iya himuon. Si Jesus, paagi sa pagpaidalom sa bana sa obligasyon sa moral kaangay sang asawa, nagpakataas sang kahimtangan kag dignidad sang mga babayi.”