“ ‘Guwa ka sing dalidali sa mga dalan kag sa mga banas sang banwa kag dalha diri ang mga imol kag mga pingkaw kag mga bulag kag mga piang.’ Kag nagsiling ang ulipon, ‘Agalon, nahimo ang imo ginsugo, kag may duog pa.’ Kag ang agalon nagsiling sa ulipon, ‘Kadto ka sa mga dakung dalan kag sa mga hinabongan, kag pilita ang katawhan sa pagkari, agod nga mapuno ang akon balay. . . . Walay isa sadtong mga tawo nga gin-agda nga makatilaw sang akon sinalusalo.’ ”

Yadtong una sa pagbaton sa pangagda nga mangin yara sa linya para sa Ginharian amo, labaw sa tanan pa, ang Judiyong relihiosong mga lider sang adlaw ni Jesus. Apang, ginsikway nila ang pangagda. Busa, sugod labi na sang Pentecostes 33 C.E., ang ikaduha nga pangagda ginpaalinton sa gintamay kag kubos sang Judiyong pungsod. Apang indi bastante ang nagbaton sa pagpuno sa 144,000 ka duog sa langitnon nga Ginharian sang Dios. Gani sang 36 C.E., tatlo kag tunga ka tuig sang ulihi, ang ikatlo kag katapusan nga pangagda ginpaalinton sa disirkunsidado nga mga di-Judiyo, kag ang pagtipon sa ila nagpadayon tubtob sang ika-20 nga siglo. Lucas 14:​1-24.