Salamo

114 Israela be Aigupito amo ia raka-lasi,+

Iakobo ena bese taudia be idau gado idia herevalaia taudia idia rakatania neganai,

 2 Iuda be Dirava ena helaga gabuna ai ia halaoa,

Israela be ena lohia gabuna ai ia halaoa.+

 3 Davara ese unai ia itaia bona ia heau,+

Ioridane Sinavai be ia giroa lou.+

 4 Ororo badadia be mamoe tau bamona idia roho loaloa,+

Ororo maragidia be mamoe natudia bamona idia roho loaloa.

 5 Davara e, dahaka dainai oi heau?+

Ioridane Sinavai e, dahaka dainai oi giroa?+

 6 Ororo badadia e, dahaka dainai mamoe tau bamona umui roho loaloa?

Ororo maragidia e, dahaka dainai mamoe natudia bamona umui roho loaloa?

 7 Tanobada e, Lohiabada dainai oi heudeheude,

Iakobo ena Dirava dainai oi heudeheude,+

 8 Dirava ese nadi badana be ranu gabuna ai ia halaoa,

Ia ese nadi aukana be ranu ia lohilohi gabuna ai ia halaoa.+