Salamo

 2 Ororo oi do karaia lasi neganai,

Eiava tanobada bona tano namona oi do karaia lasi neganai,+

Unai nega amo ela bona hanaihanai, oi be Dirava.+

 3 Oi ese taunimanima be kahu dekenai oi siaia lou,

Oi gwau: “Taunimanima e, kahu dekenai umui giroa lou.”+

 4 Oi dekenai idia hanaia lagani tausen be varani sibona bamona,+

Hanuaboi ena hora haida sibona bamona.

 5 Oi ese taunimanima oi kokia haraga,+ idia be nihi bamona idia boio haraga,

Idia be daba ai ia tubu rei matamata bamona.+

 6 Daba ai flaoaflaoa ia atoa bona ia matamata lou,

To adorahi ai ia kakoro bona ia mase.+

 7 Emu badu karana dainai ai ore lao+

Bona emu badu dainai ai gari dikadika.

 8 Oi be emai kerere idauidau oi diba,+

Hehuni dekenai ai karaia gaudia be oi itaia namonamo.+

 9 Emu badu karana dainai emai mauri ia kwadogi ia lao,

Bona emai mauri lagani idia ore, hahodi tamona bamona.

10 Emai mauri lagani ena daudau be 70 sibona,

Eiava bema ta ia goada, lagani 80+ ia abia diba.

To idia be hekwakwanai bona hisihisi amo idia honu,

Idia hanaia haraga, bona ai boio.+

11 Daika ese emu badu ena siahu ia lalopararalaia diba?

Emu badu ena goada be bada herea, taunimanima ese oi idia gari henia karana ida ia hegeregere.+

12 Emai dina duahia dalana be ai oi hadibaia,+

Unai amo emai kudouna ai aonega ai abia diba.

13 Iehova e, mani oi giroa mai!+ Emu badu do ia noho ela bona edena negai?+

Mani emu hesiai taudia oi hebogahisi henia.+

14 Daba ai emu lalokau* be ai dekenai oi hahedinaraia,+

Unai amo emai mauri dinadia ibounai lalonai mai moale ida ai boiboi.+

15 Namona be ai oi hamoalea dinadia ese ai oi hahisia dinadia ia hereaia,+

Badina lagani momo lalonai ai hisihisi vadaeni.+

16 Emu hesiai taudia ese oi karaia gau namodia idia itaia be namo,

Bona edia natudia ese emu hairai idia itaia be namo.+

17 Iehova emai Dirava ena lalonamo be ai latanai ia noho be namo,

Emai imana amo ai karaia gaukaradia oi hanamoa be namo.

Oibe, emai imana amo ai karaia gaukaradia oi hanamoa.+