Inai Oi Laloatao, A?

Vanegai ai halasia Gima Kohorona magasin edia namo oi davaria, a? Mani oi sibona oi tohoa, henunai idia noho henanadai amo.

◻ Aramagedono be edena bamona? (Apokalupo 16:14, 16)

Ia be niuklia tuarina badana eiava taunimanima ese do idia havaraia hisihisi badana lasi. Lasi. Ia be Dirava ena tuari, tuari iboudiai bona tuari havaraia taudia iboudiai haorea totona do ia karaia tuarina, bona maino momokanina idia ura henia taudia dekenai maino do ia mailaia. Ia be do ia leiti lasi. (Habakuku 2:⁠3)​—⁠4/15, rau 17.

◻ Edena bamona headava ariana ese Iehova ena ladana ia abia isi?

Gaukara ibounai lalonai lauma gaudia idia laloa bona tanobada taudia edia kara idia dadaraia neganai, unai ese Iehova ena ladana ia abia isi. Keristani taudia ese headava negana do idia moalelaia bema tanobada mai ena babalau karadia bona lebulebu karadia amo idia siri momokani; unai nega ese edia tiokratik gaukara ia hadikaia lasi; bona lebulebu lasi to manau idia hahedinaraia neganai.​—⁠4/15, rau 26.

◻ Kara maoromaoro tauna ena toana be edena bamona?

Taunimanima sibona lasi ese kara maoromaoro tauna idia abidadama henia diba, to gau badana be Dirava ese ia abidadama henia diba. Ena kara amo ena kudouna goevana ia hedinarai; ia kara koikoi lasi. Kara dikana ta ia hunia lasi bona ena kara ia gageva lasi. (2 Korinto 4:⁠2)​—⁠5/1, rau 6.

◻ Dahaka dainai Ieremia ia gwau: “Tau ta ese ia eregabe neganai, maduna metau do ia huaia, unai be namo”? (Lalohisihisi Ena Ane 3:​27)

Eregabe neganai hetoho idauidau ia haheaukalaia karana ese ia durua tau badadia edia maduna idauidau huaia totona do ia hegaegae. (2 Timoteo 3:​12) Abidadama noho ena namo idauidau ese kara maoromaoro negea karana dainai ta ese ia abia laga-ani sisina ena namo ia hereaia momokani.​—⁠5/1, rau 32.

◻ Iesu ena toana ia idau neganai Mose bona Elia idia hedinarai, unai ese dahaka ia laulaulaia?

Unai kara ia herevalaia siridia ese idia hahedinaraia Mose bona Elia ese Iesu ena horoa tadikakadia idia laulaulaia goevagoeva. “Mai edia hairaina danu” Iesu ida idia hedinarai ese ia hahedinaraia horoa Keristani taudia mai edia abidadama be Iesu ida ‘hairai do idia abia nega tamona’ guba Basileiana lalonai. (Luka 9:​30, 31; Roma 8:17; 2 Tesalonika 1:10)​—⁠5/15, rau 12, 14.

◻ Dirava ena ‘hunia herevana’ helagana be dahaka? (1 Korinto 2:⁠7)

Dirava ena ‘hunia herevana’ helagana ena kahana badana be Iesu Keriso. (Efeso 1:​9, 10) Iesu be gwauhamata Mesiana be unai ena anina tamona sibona lasi. Guba gavamanina, Dirava ena Mesia Basileiana, danu be mai anina, bona Dirava ena ura hagugurua totona Iesu ena gaukara be mai anina danu.​—⁠6/1, rau 13.

◻ Keristani tauna ese buruka eiava gorere be edena bamona ia laloa be namo?

Ia laloa lasi iena hekwakwanai ese Iehova hesiai henia dalana ia koua, to namona be ia laloa unai gaudia be iena tabekau karana Iehova dekenai ia habadaia daladia idia hedinarai. Namona be ia laloatao danu, Keristani tauna ena namo be iena gaukara ena bada amo ita hahetohoa sibona lasi, to ena abidadama bona ena lalokau ena dobu amo danu. (Mareko 12:​41-​44)​—⁠6/1, rau 26.

◻ Iehova ese aneru lasi to taunimanima ia gaukaralaia Baibel do idia torea ese iena aonega bada be edena bamona ia hahedinaraia?

Bema taunimanima edia lalona ena mamina be lasi, reana Baibel ena anina do ita lalo-pararalaia be auka. Bona Baibel ita moalelaia, taunimanima edia lalona ena mamina idauidau be ia lalonai idia hedinarai dainai.​—⁠6/15, rau 8.

◻ Ruma bese ena moale korikori davaria dalana be dahaka?

Moale korikori davaria dalana be Dirava ena Hereva, Baibel, lalonai, bona ena hakaua herevadia badinaia karana amo, hegeregere tauanina ena ura koua, kwara dagina abia dae, herevahereva hebou, bona lalokau heheni.​—⁠6/15, rau 23, 24.

◻ Edena dala ai Iesu ese ia karaia hanamoa karadia be hari sibodia idia gwau hanamoa karadia idia karaia taudia edia amo idia idau?

Iesu be ia roho bona boiboi kava lasi, bona idia raraia taudia be idia lolo lasi, idia ane lasi, idia tai badabada lasi, bona idia mase-rea lasi. Bona danu, Iesu ia gwau lasi gorere ta do ia hanamoa diba lasi badina gorere tauna ia henia monina be hegeregere lasi eiava ia be abidadama lasi; Iesu ese gorere ibounai ia hanamodia.​—⁠7/1, rau 5.

◻ Edena dala amo Iehova ese ena taunimanima ia durua iena ladana bona ena Basileia totona ia karaia urana lalonai, gaukara ta idia karaia?

Dala ginigunana be Iehova ese hereva momokanina ia henia ena taunimanima dekenai. Dala iharuana be iena lauma helaga ia henia idia dekenai. Bona dala ihatoina be edia tanobada ibounai tadikaka oreana bona Iehova tomadiho henia oreana namona ia noho.​—⁠7/1, rau 19, 20.

◻ Kara namo be dahaka?

Kara namo ena anina be mauri ena kara goeva, namo havaraia karadia, kara bona lalohadai maorodia. Unai kara ese anina namodia ia havaraia. Kara namo ena anina be kara dika dadaraia sibona lasi; ena anina be kara namo karaia noho. (1 Timoteo 6:​11)​—⁠7/15, rau 14.

◻ Tama sina ese natudia dekenai idia henia diba anina bada herea gauna be dahaka?

Tama sina ese edia natudia dekenai idia henia diba anina bada herea gauna be idia sibona ese ma haida dekenai idia hahedinaraia lalokauna. Namona be natudia idia itaia bona idia kamonai tama sina ese Dirava idia lalokau henia edia kara ibounai lalonai.​—⁠7/15, rau 21.

◻ Ruma bese stadi karaia namonamo daladia haida be dahaka?

Ruma bese stadi umui karaia hanaihanai be namo. Stadi totona nega do umui hoia. (Efeso 5:​15-​17) Natudia totona Baibel sivarai oi hamauria bamona, unai amo stadi negana do idia ura henia. Natudia ese stadi idia moalelaia totona, namona be idia danu kara ta idia karaia.​—⁠8/1, rau 26-28.