Hesiai Hebou Ena Sediual

ITAIA: Hebouhebou ena hua lalonai Iseda Basileia Gaukara pepana dekenai pura ta ta ena Hesiai Hebou do ai hahedinaraia. Kongregesen ibounai be “Dirava Ena Hereva Badinaia Taudia” Distrik Hebouhebouna do idia lao henia dainai gau haida do idia haidaua. Bema hegeregere, hebouhebou ita do lao henia lasi neganai, Hesiai Hebou dokona ai miniti 15 oi gaukaralaia inai hua ena Iseda Basileia Gaukara pepana lalonai idia udaia pepana ena mai anina bada sisiba herevadia riviulaia totona. Ibounai hagoadaia daba bona adorahi ta ta ai hebou ia do matamaia lasi neganai, miniti haida lalonai edia program idia itaia bona dahaka do idia herevalaia idia laloa guna totona. Unai amo program ena hereva idia kamonai namonamo diba bona mai anina bada hereva kwadogidia do idia torea. Pura rua eiava hani hebouhebou murinai, Hesiai Hebou dekenai miniti 30 kahana ta do idia atoa, hebouhebou program ena hereva badadia riviulaia totona. Unai nega ai, namona be ita ibounai ita hegaegae inai kahana karaia totona idia abia hidi lo tadikaka toi ese helai taudia idia noia neganai haere kwadogina ita henia totona. Unai bamona haere ese idia hahedinaraia diba hebouhebou dekenai ita dibaia gaudia be edena bamona ta ese ena mauri lalonai eiava ena haroro gaukara lalonai ia badinaia diba. Ekspiriens kwadogidia ta eiava rua oi abia hidi bona reana oi gwauraia diba. Inai Hesiai Hebou ena kahana ita moalelaia bona ia amo diba ita abia totona, ita ibounai ita hegaegae namonamo be gau badana.

October 9 Purana

Ane 11

7 min: Kongregesen ena hadibaia herevadia. Iseda Basileia Gaukara pepana amo Hadibaia Hereva haida abia hidi.

13 min: “Helaga Gaudia Oi Laloa Bada, A?” Elda ta ese do ia henia. Distrik hebouhebou ena dina toi ita lao henia be mai anina bada herevalaia.

25 min: “Milenium Matamatana​​—Vaira Negana Ena Anina Oi Dekenai be Dahaka?” Haroro naria tauna be mai ena ura bada ida inai kahana do ia herevalaia. July 3, 2000 ai Society ese elda taudia dekenai idia siaia revarevana lalonai ia noho hadibaia herevana oi duahia murinai, Basileia Sivaraina Namba 36 be helai taudia ta ta dekenai oi henia. Bena henanadai bona haere dalana amo oi karaia. Kongregesen ese teritori ibounai karaia totona idia karaia palani herevalaia. Kamonai matamata taudia bona natudia durua bapatiso lasi pablisa ai do idia lao diba dalana laloa. Haheitalai kwadogina hahedinaraia. Ibounai be unai pepapepa hariharilaia gaukarana lalonai idia durua be namo oi hahedinaraia.

Ane 53 bona guriguri.

October 16 Purana

Ane 104

7 min: Kongregesen ena hadibaia herevadia. Akaun ripotina. Pablisa ibounai hadibaia lou, Saturday bona Sunday edia hesiai gaukara ai Gima Kohorona bona Awake! magasin be Basileia Sivaraina Namba 36 ida do idia hahedinaraia.

10 min: “Lagani 2001 Ena Hebouhebou Program Matamatadia.” Henanadai bona haere dalana amo karaia.

13 min: “Diba Idia Henia, Lalona Idia Veria, Bona Lalona Idia Hagoadaia Tulu Idauidau.” (Paragraf 1 bona 2 sibona.) Hereva ta. Society ese vidio karaia gaukarana dekenai idia vareai ena sivarai kwadogina gwauraia. (Proclaimers bukana, rau 600-​601 itaia.) October 30 ena wiki lalonai do idia abia Hesiai Hebou hegaegaelaia totona, ibounai ese vidio ladana Jehovah’s Witnesses​​—The Organization Behind the Name do idia itaia totona idia hegaegaelaia gaudia oi gwauraia.

15 min: “Umui Emui Gaukara Ibounai be Lalokau Dekenai Do Umui Karaia.” Henanadai bona haere dalana amo karaia. Mahuta gabudia abia totona idia henia hadibaia herevadia idia badinaia lasi dainai haida ese idia davaria hekwakwanai haida herevalaia.

Ane 131 bona guriguri.

October 23 Purana

Ane 150

5 min: Kongregesen ena hadibaia herevadia.

12 min: “Hereva Helagadia Ita Kamonai Henia.” Henanadai bona haere. Program ta ta idia matamaia neganai, ita ibounai be eda helai gabudia dekenai ita helai be namo ena badina oi herevalaia.

15 min: “Dirava Idia Hanamoa Kara Namodia Oi Karaia Noho.” Elda ta ese ruma bese ta ida inai kahana do ia kikilaia. Taunimanima momo idia loaloa gabudia dekenai dahaka do idia karaia be namo dala maorona ai gau ibounai idia karaia namonamo diba, kara namodia bona goeva karadia idia karaia diba, bona edia toana bona kara amo haheitalai namona idia hahedinaraia diba idia herevalaia.

13 min: Hebou Totona Hegaegae Namonamo. Hereva oi henia bona helai taudia ida oi kikilaia. Hebou amo namo bada do ita abia bema ita hegaegae namonamo. March 1, 1998, Gima Kohorona, rau 15-​16, paragraf 8-​11 ena hereva namodia haida herevalaia. Helai taudia oi noia idia hegaegae namonamo totona dahaka idia karaia bona nega be edena bamona idia davaria idia diba.

Ane 211 bona guriguri.

October 30 Purana

Ane 167

8 min: Kongregesen ena hadibaia herevadia. Pablisa ibounai hadibaia October ena haroro ripoti idia henia totona.

12 min: Basileia Sivaraina Namba 36 hariharilaia gaukarana dekenai idia davaria ekspiriens idauidau. Pablisa idauidau oi nanadaia Basileia Sivaraina Namba 36 hariharilaia gaukarana dekenai idia moalelaia anina namona idia herevalaia totona. Regula bona heduru painia taudia oi noia, unai pepapepa hariharilaia hua lalonai edia gaukara idia habadaia dainai bona pablisa idauidau momo ida idia gaukara dainai edia moale herevana idia gwauraia totona.

25 min: Jehovah’s Witnesses​​—The Organization Behind the Name. Helai taudia ida herevalaia. “Diba Idia Henia, Lalona Idia Veria, Bona Lalona Idia Hagoadaia Tulu Idauidau” ena paragraf 3 dekenai idia noho henanadai umui laloa. Heduru herevadia oi gwauraia, edena bamona unai vidio ita gaukaralaia diba kamonai taudia ita durua iseda orea idia dibaia namonamo totona. Ekspiriens kwadogina ta eiava rua gwauraia.​​—October 1, 1992, Gima Kohorona, rau 30-1 itaia.

Ane 15 bona guriguri.

November 6 Purana

Ane 198

15 min: Kongregesen ena hadibaia herevadia. Basileia Sivaraina Namba 36 hariharilaia karana ena heau herevalaia. Umui karaia vadaeni teritori ena bada herevalaia bona November 17 ia do ginidae lasi neganai dahaka umui karaia be namo teritori ibounai umui haorea totona, oi herevalaia.

20 min: Ita Ibounai be Painia Urana Ita Hahedinaraia Diba. Buka stadi naria tauna ta bona ena durua tauna ese October 15, 1997, Gima Kohorona, rau 22-3 do idia herevalaia. Hahedinaraia dahaka dainai kongregesen lalonai painia momo idia noho be namo bona edena bamona ibounai ese unai tahua gauna davaria totona idia durua diba. Danu, hagoadaia daladia haida herevalaia hari idia painia noho taudia idia painia noho totona bona kongregesen lalonai edena bamona ibounai ese edia ura haroro gaukara dekenai idia habadaia diba.

10 min: Ane Abia Karana​​—Iseda Tomadiho Ena Kahana Badana Ta. Buka stadi naria tauna ta be pablisa rua ida kongregesen heboudia dekenai edia ane abia karana idia herevalaia. Ia itaia edia ane abia karana be ia goada lasi. February 1, 1997, Gima Kohorona, rau 27-8 amo hereva badadia haida ia herevalaia. Unai pura ena Gima Kohorona Stadi dekenai do idia abia anena ta ena hereva idia itaia namonamo, July 1, 1999, Gima Kohorona, rau 20, paragraf 12 ena heduru herevana hegeregerena. Ane abia karana ita laloa bada neganai, mai eda kudouna ibounai ida Iehova ita hanamoa karana ita hagoadaia.

Ane 223 bona guriguri.