Hesiai Hebou Ena Sediual

June 9 Purana

Ane 81

10 min: Kongregesen ena hadibaia herevadia. Iseda Basileia Gaukara amo Hadibaia Hereva haida abia hidi. Haheitalai rua hegaegaelaia, rau 12 ai idia noho magasin herevalaia daladia rua amo May 15 Watchtower bona May 22 Awake! idia hariharilaia. Unai dala rua ai, namona be Watchtower bona Awake! magasin ruaosi ita henia nega tamona, herevana magasin tamona sibona ita herevalaia. Haheitalai ta ta lalonai siri ta oi duahia danu.

15 min: “Keristani Haroro Gaukara​​—Iseda Gaukara Badana.”a Matamata taudia oi hagoadaia ful-taim hesiai gaukara lalonai do idia moalelaia hahenamo idauidau idia laloa totona. November 1, 2000, Gima Kohorona, rau 19-20 ai hereva kwarana maragina “Kastom Bona Lalona Ena Mamina Idia Idau Neganai” henunai idia noho hereva haida gwauraia danu.

20 min: “Oi Laloa Painia Gaukara amo Iehova Oi Hesiai Henia Diba, A?”b Bema hegeregere, inai kahana be ful-taim hesiai gaukara ia karaia noho eiava ia karaia vadaeni manada tadikaka ta ese do ia karaia. Danu, distrik hebouhebou ai idia halasia Matamata Taudia e​—Emui Mauri be Edena Bamona Do Umui Gaukaralaia? pepapepa ena rau foa ai, painia gaukara idia herevalaia kahana kikilaia. Oi hahedinaraia gau badana be, tadikaka momo be regula painia gaukara lalonai idia vareai.

Ane 190 bona guriguri.

June 16 Purana

Ane 55

8 min: Kongregesen ena hadibaia herevadia. Akaun ripotina.

12 min: Kongregesen durua herevana.

25 min: “ ‘Hadibaia Bona Haroro’ Gaukara Goadalaia.”c Idia torea hedinarai henanadai oi gaukaralaia. Paragraf 5 bona 6 oi herevalaia murinai, haheitalai kwadogina ta amo hahedinaraia ta be sitoa naria tauna dekenai ia haroro bona Oi Ura Baibel Do Oi Diba Namonamo, A? pepapepa ia henia. Paragraf 7 bona 8 oi do herevalaia lasi neganai, paragraf idia duahia guna. Dokonai, “Idia Umui Laloaboio Lasi!” mauana duahia bona herevalaia.

Ane 131 bona guriguri.

June 23 Purana

Ane 95

8 min: Kongregesen ena hadibaia herevadia. Rau 12 ai idia noho magasin herevalaia daladia amo June 1 Watchtower bona Awake! ta henia dalana haheitalaia. Unai dala rua ai, namona be Watchtower bona Awake! magasin ruaosi ita henia nega tamona, herevana magasin tamona sibona ita herevalaia. Unai haheitalai ai, hahedinaraia pablisa be magasin gaukara ia karaia noho.

22 min: Lalo-Manoka Negana ai Dahaka Ita Karaia Diba? Hereva henia bona helai taudia ida November 15, 1999, Gima Kohorona, rau 28-9, ela bona hereva kwarana maragina “Lalohadai Maorona Oi Abia Hanaihanai” kikilaia. Heduru hereva namodia bona Baibel ena sisiba riviulaia. Pablisa goadana ta eiava rua oi abia hegaegae guna, dahaka ese haroro gaukara lalonai idia ia durua idia moale noho totona idia herevalaia.

15 min: “Hanaihanai Ia Idau Noho Tanobadana ai Ita Haroro Noho.”d Paragraf 2-3 oi herevalaia neganai, helai taudia oi nanadaia edia noho gabuna dekenai hari idia vara gaudia amo edena sivarai idia herevalaia diba, herevahereva hamatamaia totona. Paragraf 4 umui herevalaia neganai, haheitalai kwadogina ta amo idia gwauraia kiki herevadia ta karaia.

Ane 15 bona guriguri.

June 30 Purana

Ane 3

8 min: Kongregesen ena hadibaia herevadia. Pablisa taudia hadibaia lou June ena haroro gaukara ripoti idia henia totona. July bona August edia henia gauna herevalaia. Kongregesen dekenai idia noho buklet rua oi herevalaia. Haroro gaukara lalonai idia hariharilaia dalana be haheitalai namodia amo hahedinaraia. Idia gwauraia kiki herevadia totona, July 1998 Iseda Basileia Gaukara pepana rau 8 itaia.

15 min: “Edia Tauanina Ena Kahana Ta Ia Dika​​—To Anina Namona Idia Havaraia.”e August 22, 1990, Awake!, rau 22-23, hereva kwarana maragina “What Can Be Done?” henunai, ma haida ese heduru idia henia daladia oi herevalaia.

22 min: Dirava Ena Hereva Oi Gaukaralaia Namonamo Basileia Harorolaia Totona. Haroro naria tauna ese inai kahana be helai taudia ida ia kikilaia. Haroro gaukara lalonai ita davaria taudia ta ta dekenai, ita ura bada Baibel amo Basileia ia herevalaia hagoadaia herevana ta ita duahia. To, Baibel sibona ita duahia be hegeregere lasi. Namona be ita ese iena anina ita herevalaia, haheitalaia, bona badinaia. Karaia dalana oi hahedinaraia totona, Herevalaia bukana, rau 132-133, italik ai idia torea hereva kwarana maragina “Tanobada ena lohia taudia ese taunimanima idia dabulaia gaudia idia henidia lasi” henunai idia gwauraia siridia haida be haheitalai totona oi gaukaralaia diba. Unai murinai, ia hegaegae namonamo pablisa ta ese haheitalai amo lou henia ia karaia neganai siri ta ia gaukaralaia namonamo dalana ia hahedinaraia. Unai siri ena anina ia herevalaia namonamo, haheitalai namona ta ia gwauraia bona hereva kwadogina amo ruma tauna dekenai ia hahedinaraia edena bamona Basileia ena lohia dalana ese ia do ia durua. Haheitalai lalonai, namona be pablisa ese siri ia duahia guna. Haheitalai murinai, unai siri ena anina idia herevalaia, haheitalaia, bona badinaia dalana riviulaia. Ibounai hagoadaia Dirava ena Hereva idia gaukaralaia namonamo karana idia hanamoa totona.

Ane 171 bona guriguri.

July 7 Purana

Ane 165

5 min: Kongregesen ena hadibaia herevadia.

15 min: Iseda teritori lalonai idia vara ekspiriens haida herevalaia. Ekspiriens rua, (1) gado idau taudia haroro henia eiava (2) ruma ta ruma ta ai bona dala ai sibona lasi to gabu ma ta ai haroro gaukara idia karaia ekspiriens oi gwauraia eiava haheitalai amo hahedinaraia.

25 min: “Dirava Ena Ladana Gwauraia Hedinarai Noho.”f Idia torea hedinarai henanadai gaukaralaia. Paragraf 4 umui herevalaia neganai, bema hegeregere Proclaimers bukana ena rau 124 ai ia noho maua “Making Known The Name of God” henunai idia noho herevadia oi herevalaia danu. Ia manada vadaeni pablisa ta ese lou henia dalana do ia haheitalaia. Herevalaia bukana, rau 196-7 amo siri rua eiava toi oi gaukaralaia, oi hahedinaraia dahaka dainai Dirava ena ladana ita diba bona ita herevalaia be gau badana.

Ane 197 bona guriguri.

[Footnotes]