Psalme

106 Loopt Yeehoowa! Tankt Yeehoowa, wayl eyer kuut is; (...) 4 Tenk aan mich, oo Yeehoowa, wëns tuu kefale fer tayn folk tsaychst. Xtee mich pay mit tayn aktysoone fon retung. 7 In Ejipt, hon unser foerfatere khee weyert fer tayn wunerliche aarwayte kep. Tii hon sich net erinert fon tayn kroose leaale liip, Awer hon sich repeliirt ticht am meer, paym Roote Meer. 8 Noch soo, hot tee tëne keret weeche Sayn naame, Fer Sayn macht pekhant mache. 9 Eyer hot tas Roote Meer peruycht, un tas is aus ketrokent kep. Eyer hot sayn folek ufm pootem fom tiife meer torich kefiirt, wii wën se im tesërt weyere. 13 Awer tii hon sich xnel ferkes fon was tee kemacht hat; Tii hon net tëm sayn oryentiirung kewaart. 14 Im tesërt, hon se kelos tas sayn ekoiistixe winxe tëne fiire teete; Tat, hon se Kot im proop kextelt. 19 In Horëp, hon se een hëmes ferxmols Un hon sich foer een xtaatue aus metaal kepikt; 20 Tii hon mayn hërlichkheet um ketrukt Mit een xtaatue fon een xtiir woo kraas frest. 21 Tii hon sich fon Kot, iire Reter, ferkes, Woo kroose tinge im Ejipt kemacht hot. 35 Awer tii hon sich fermixt mit ti natsyoone un hon aan kefang sich aan xtele wii tii. 36 Tii hon tëne sayn itole ketiint, Un ti itole sin een fal fer tëne kep. 37 Tii hon sayn soone un sayn tochtere Fer ti temoone keopfert. 48 Keloopt say Yeehoowa, te Kot fon Israël, Fer ti kans eewichkheet; Un tas kans folek sol saan: “Amen!” Loopt Yah!