3 Salmanaza, wa Asiri a, te atake Oze+. Se sa k fè Oze te vin anba dominasyon l e li te vin ap peye l taks+. 4 Men, wa Asiri a te aprann Oze te nan yon konplo ki t ap fèt sou do l paske Oze te voye moun bò kote So, wa Ejip la+, e li pa t pote taks li te konn pote bay wa Asiri a jan l te fè sa ane anvan yo. Se sa k fè wa Asiri a te mete l nan prizon e li te fè mare l.

5 Wa Asiri a te anvayi tout peyi a. Li te vini Samari e li ansèkle l pandan twazan. 6 Nan nevyèm ane rèy Oze a, wa Asiri a te pran Samari+. Apre sa, li mennen moun Izrayèl yo ann egzil+ nan peyi Asiri e li fè yo rete Ala ak Abò, toupre Rivyè Gozan+, ak nan vil moun Medi yo+.