4 Nan menm nuit lan, Jewova pale ak Natan, li di l: 5 “Al di David, sèvitè m nan: ‘Men sa Jewova di: “Èske se ou ki dwe bati yon kay pou m rete+? 6 Paske mwen pa rete nan yon kay depi jou mwen te fè pèp Izrayèl la soti ann Ejip rive jis jodi a+, men mwen t ap deplase* nan yon tant ak nan yon tabènak*, sot yon kote al yon lòt kote+. 7 Pandan tout tan mwen t ap deplase ak tout Izrayelit yo*, èske m te janm mande youn nan chèf tribi ann Izrayèl yo mwen te chwazi pou pran swen pèp Izrayèl la, pèp mwen an: ‘Poukisa nou pa bati yon kay ak bwa sèd pou mwen?’”’

17 David, papa m, te vle bati yon kay pou l bay non Jewova, Bondye Izrayèl la, glwa+. 18 Men, Jewova te di l: ‘Ou vle bati yon kay pou bay non m glwa. Li bon lefètke se dezi sa a ou gen nan kè w. 19 Men, se pa ou k ap bati kay sa a. Se pitit gason w pral fè a* k ap bati kay pou bay non m glwa+.’

7 David te di Salomon, pitit gason l lan: “Mwen te vle bati yon kay pou bay non Jewova, Bondye m nan, glwa+. 8 Men, Jewova te di m: ‘Ou te fè anpil san koule e w te patisipe nan anpil gè. Ou pap ka bati yon kay pou bay non m glwa+ paske ou te fè anpil san koule sou tè a devan je m.