21 Lè Wobowam, pitit gason Salomon an, rive Jerizalèm, lapoula, li rasanble tout mesye Jida yo ak mesye Benjamen yo pou y al goumen ak mesye Izrayèl yo pou l ka retounen vin wa sou yo+. Antou te gen 180 000 sòlda byen antrene ki te rasanble. 22 Apre sa, vrè Dye a pale ak Chemaya+, sèvitè l la, li di l: 23 “Men sa pou w di Wobowam, pitit gason Salomon an, wa Jida a, e men sa pou w di moun tribi Jida yo, moun tribi Benjamen yo ak rès moun yo: 24 ‘Men sa Jewova di: “Nou pa dwe monte al goumen avèk Izrayelit yo paske yo se frè nou. Se pou chak moun tounen lakay yo, paske se mwen menm ki fè sa rive+.”’” Vrèmanvre, yo obeyi sa Jewova di yo a e yo retounen lakay yo jan Jewova te di yo fè a.