BIBLIYOTÈK SOU ENTÈNÈT Watchtower

Detewonòm 1:16, 17

Labib — Tradiksyon monn nouvo a
- 16 “Lè sa a, men ki enstriksyon mwen te bay jij nou yo: ‘Lè gen moun nan pèp la ki gen pwoblèm antre yo e yo vin devan nou, nou dwe jije ka a avèk jistis+, kit moun nan gen pwoblèm ak yon Izrayelit parèy li, kit li gen pwoblèm ak yon etranje k ap viv nan mitan nou+. 17 Nou pa dwe gen patipri lè n ap jije+. Nou dwe koute ni moun ki pa enpòtan, ni moun ki enpòtan+. Nou pa dwe kite moun fè nou pè+, paske se pou Bondye n ap jije+. Lè yon ka twò difisil pou nou, n a pote l devan m e m a tande l+.’

2 Samyèl 8:15

Labib — Tradiksyon monn nouvo a
- 15 David te kontinye dirije tout pèp Izrayèl la+, li te fè tout pèp la jwenn jistis e li te fè tout bagay dwat+.

Sòm 72:1, 2

Labib — Tradiksyon monn nouvo a
- 72 O Bondye, fè wa a konnen lwa w yo,
  Fè pitit gason wa a konnen jistis ou+.
  
  2 Se pou l defann kòz pèp ou a yon fason ki dwat,
  Se pou l defann moun ki dekouraje yo avèk jistis+.

Ezayi 11:4

Labib — Tradiksyon monn nouvo a
- 4 L ap jije malere yo san paspouki*,
  E l ap korije moun yon fason ki jis poutèt moun ki gen imilite sou tè a.
  L ap frape moun sou tè a ak baton ki nan bouch li a+,
  E l ap touye mechan yo ak souf* ki sot nan bouch li+.