• Jeremi 6:13, 14
    Labib — Tradiksyon monn nouvo a

    • 13 “Paske, yo tout, jèn kou granmoun, ap fè lajan nan move kondisyon+.

      Menm pwofèt yo ak prèt yo lage kò yo nan fè magouy+.

      14 Mete sou sa, y ap eseye geri maleng pèp mwen an vaykevay lè yo di yo:

      ‘Gen lapè! Gen lapè!’,

      Alòske pa gen lapè vre+.

  • Jeremi 23:16, 17
    Labib — Tradiksyon monn nouvo a

    • 16 Men sa Jewova, Chèf lame yo, di:

      “Pa koute pwofèt k ap pwofetize ban nou yo+.

      Se nan erè y ap mete nou*.

      Y ap pale de vizyon ki soti nan pwòp kè yo+.

      Sa y ap di yo pa soti nan bouch Jewova+.

      17 Yo kontinye ap di moun ki pa gen respè pou mwen yo:

      ‘Jewova di: “N ap gen lapè+.”’

      Yo di moun ki kontinye ap fè tèt di e k ap suiv lide yo gen nan kè yo:

      ‘Anyen mal pap rive nou+.’

  • Jeremi 27:8-10
    Labib — Tradiksyon monn nouvo a

    • 8 “‘“‘Si yon nasyon oswa yon wayòm refize sèvi Nebikadneza, wa Babilòn nan, e si l refize kite wa Babilòn nan mete jouk sou kou l, m ap sèvi ak epe+, grangou ak maladi pou m pini nasyon sa a’, se sa Jewova di, ‘jiskaske mwen fè Nebikadneza fini ak nasyon sa a nèt.’

      9 “‘“‘Se sa k fè pinga nou koute pwofèt nou yo, divinò nou yo, moun k ap fè rèv yo, ak moun k ap fè maji yo k ap di nou: “Nou pap gen pou n sèvi wa Babilòn nan.” 10 Paske, pwofesi y ap bay yo se manti, e sa ap lakòz nou ale lwen peyi nou an. M ap gaye nou e n ap mouri.

  • Miche 3:11
    Labib — Tradiksyon monn nouvo a

    • 11 Chèf* li yo pran kòb anba anba lè y ap fè jijman+,

      Prèt li yo anseye moun pou lajan*+

      E pwofèt li yo ap fè divinò pou lajan+.

      Epoutan, yo konte sou Jewova* e y ap di:

      “Èske Jewova pa avèk nou+?

      Pa gen okenn malè k ap tonbe sou nou+.”