27 Epi, li pran yon koup, li di Bondye mèsi, li ba yo l, epi li di: “Nou tout, nou mèt bwè ladan l+, 28 paske sa a reprezante san m+, ‘san alyans lan+’, ki gen pou koule pou anpil moun+ pou yo ka jwenn padon pou peche yo+.

20 Apre yo fin soupe, li fè menm bagay la ak koup la tou, li di: “Koup sa a reprezante nouvo alyans lan+ ki fèt grasa san m+ ki gen pou koule pou nou+.

25 Li te fè menm bagay la ak koup la+ tou, apre yo te fin soupe. Li di: “Koup sa a reprezante nouvo alyans lan+ ki fèt grasa san m+. Kontinye fè sa, chak fwa n ap bwè ladan l, pou nou montre nou sonje m+.”

8 Se fay Bondye jwenn nan pèp la ki fè l di: “‘Gade! Gen jou k ap vini’, se sa Jewova* di, ‘kote m ap fè yon nouvo alyans ak moun Izrayèl yo ansanm ak moun Jida yo. 9 Alyans sa a pap menm jan ak alyans mwen te fè ak zansèt yo lè mwen te pran men yo e mwen te fè yo soti nan peyi Ejip la+, paske yo pa t ret fidèl ak alyans mwen an, sa ki te fè m sispann pran swen yo.’ Se sa Jewova* di.”

10 “‘Paske, men alyans m ap fè avèk moun Izrayèl yo apre jou sa yo: M ap mete lwa m yo nan lespri yo e m ap ekri yo nan kè yo+. Wi, m ap vin Bondye yo e yo menm y ap vin pèp mwen+.’ Se sa Jewova* di.

11 “‘Lè sa a, pap gen moun k ap anseye sitwayen parèy li ankò, e yon frè pap anseye yon frè l ankò, pou l di l: “Aprann konnen Jewova*.” Paske, yo tout ap konnen m, timoun kou granmoun. 12 Paske, m ap fè yo mizèrikòd pou bagay mal yo fè, e mwen pap sonje peche yo ankò+.’”