7 Pandan yo prale, Jezi kòmanse pale foul moun yo de Jan. Li di yo: “Ki sa nou te soti al gade nan dezè a+? Yon wozo van ap souke+? 8 Bon, ki sa nou te soti al gade menm? Yon nonm ki abiye ak rad ki koute chè*? Moun ki abiye ak rad ki koute chè se lakay wa yo ye. 9 Ebyen, poukisa nou te soti menm? Pou nou wè yon pwofèt? Wi, m ap di nou sa: Nou te soti pou n al wè yon moun ki pi enpòtan lontan pase yon pwofèt+. 10 Men sa yo te ekri sou moun sa a: ‘Gade! Men m ap voye mesaje m nan devan w*. Se li menm ki pral prepare chemen an pou ou+.’ 11 Anverite m ap di nou sa: Pami moun ki sot nan vant fi, pa gen youn nan moun yo te voye yo ki gen plis enpòtans pase Jan ki konn batize moun nan. Men, moun ki gen mwens enpòtans nan Wayòm syèl la gen plis enpòtans pase l+.