14 Lè yo rive bò kot yon foul moun+, gen yon mesye ki pwoche kote l, ki met ajenou devan l e ki di l: 15 “Seyè, gen pitye pou pitit gason m nan, paske li fè malkadi e sante l pa bon ditou. Lè kriz la pran l, souvan, li tonbe nan dife oubyen nan dlo+. 16 Mwen mennen l bay disip ou yo, men yo pa ka geri l.”

17 Gen yon moun nan foul la ki reponn li: “Anseyan, mwen te mennen pitit gason m nan ba ou paske li gen yon movèzespri sou li ki fè l bèbè+. 18 Kèlkeswa kote l pran l, li lage l atè, bouch tigason an fè kim, li manje dan e li vin san fòs. Mwen te mande disip ou yo pou yo chase l, men yo pa t kapab.”