Sòm

120 Pandan mwen t ap soufri, mwen te rele Jewova+,

E li te reponn mwen+.

 2 O Jewova, sove m* anba moun k ap sèvi ak bouch yo pou yo bay manti,

Moun k ap sèvi ak lang yo pou yo twonpe moun.

 3 Ou menm k ap sèvi ak lang ou pou w bay manti+,

Ki sa Bondye ap fè w? Ki pinisyon l ap ba ou?*

 4 L ap pini w ak flèch byen file+ yon sòlda genyen

E ak chabon ki byen limen+ ki fèt ak yon ti pyebwa ki nan dezè a.

 5 Malè pou mwen paske m se yon etranje k ap viv Mechèk+.

Mwen abite pami tant ki nan Keda yo+.

 6 Mwen* gen twò lontan depi m ap viv

Ak moun ki rayi lapè+.

 7 Mwen vle lapè, men lè m pale,

Se lagè yo vle fè.