Yon chante David te ekri. Li gen rapò ak lè li te pran pòz moun fou l+ devan Abimelèk la. Abimelèk te fè yo met David deyò e David t al fè wout li.
א [Alèf]
34 M ap toujou louwe Jewova,
M ap toujou fè louwanj pou li ak bouch mwen.
ב [Bèt]
2 Se nan Jewova m ap vante tèt mwen+.
Moun ki gen imilite a ap tande sa e kè l ap kontan.
ג [Gimèl]
3 Mete ansanm avè m pou nou bay Jewova glwa+,
Annou fè louwanj pou non li ansanm.
ד [Dalèt]
4 Mwen te rele Jewova e li te reponn mwen+,
Li te delivre m anba tout sa ki t ap fè m pè yo+.
ה [He]
5 Moun ki met konfyans yo nan li yo gen kè kontan,
Yo pap janm wont.
ז [Zayin]
6 Malere a rele Jewova e Li koute l.
Li sove l anba tout kalamite l yo+.
ח [Hèt]
7 Zanj Jewova a pwoteje moun ki gen lakrentif pou Bondye yo+
E li sove yo+.
ט [Tèt]
8 Goute e n a wè jan Jewova bon+.
Byennere moun ki pran refij nan li.
י [Yòd]
9 Nou tout ki apa pou Jewova, se pou n gen lakrentif pou li,
Paske moun ki gen lakrentif pou li yo pa manke anyen+.
כ [Kaf]
10 Menm jenn lyon ki gen fòs yo konn nan grangou,
Men, moun ki chèche Jewova yo pap manke anyen ki bon+.
ל [Lamèd]
11 Vini, pitit mwen yo, koute sa m ap di nou,
M ap aprann nou sa lakrentif pou Jewova ye+.
מ [Mèm]
12 Kiyès nan nou ki renmen lavi,
Ki ta renmen viv lontan ak kè kontan+?
נ [Noun]
13 Se pou l veye pou l pa mal sèvi ak lang li+
E pou l pa bay manti ak bouch li+.
ס [Samèk]
14 Se pou l vire do bay sa ki mal, e se pou l fè sa ki byen+.
Se pou l chèche lapè e se pou l fè tout sa l kapab pou l jwenn li+.
ע [Ayin]
15 Je Jewova sou moun ki jis yo+,
E zòrèy li ap koute lè y ap mande l pou l ede yo+.
פ [Pe]
16 Men, Jewova vire do bay moun k ap fè sa ki mal yo,
Pou l ka detwi yo sou tè a e pou pèsonn pa sonje yo+.
צ [Tsade]
17 Lè moun ki jis yo rele Jewova, li tande yo+.
Li delivre yo anba tout malè ki tonbe sou yo+.
ק [Kòf]
18 Jewova toupre moun kè yo ap fann+,
Li sove moun ki gen lespri yo kraze+.
ר [Rèch]
19 Moun ki jis la jwenn anpil pwoblèm+,
Men, Jewova delivre l anba yo tout+.
ש [Chin]
20 Li pwoteje tout zo l.
Pa gen youn nan yo ki kase+.
ת [Taw]
21 Gen yon malè k ap tonbe sou mechan an k ap touye l.
Moun ki rayi moun ki jis yo gen pou yo peye poutèt yo koupab.
22 Jewova ap sove lavi sèvitè l yo.
Moun ki pran refij nan li yo, yo pap deklare yo koupab+.