Ezayi
44 “Kounye a, o Jakòb, sèvitè m nan,
O Izrayèl, ou menm mwen chwazi a, koute+.
3 Paske m ap bay moun ki swaf la* dlo pou l bwè+,
E m ap fè rivyè koule nan tè ki pa gen dlo a.
M ap vide lespri m sou pitit ou yo*+,
E m ap vide benediksyon sou desandan w yo.
4 Epi y ap pouse tankou zèb+,
Tankou pye pepliye ki bò kanal dlo.
5 Youn pral di: “Mwen se byen Jewova+.”
Yon lòt pral bay tèt li non Jakòb,
E yon lòt ankò ap ekri sou men l: “Byen sa a se pou Jewova.”
E l ap fè yo rele l Izrayèl.’
6 Men sa Jewova,
Sila a ki Wa Izrayèl la+, Sovè l la+, Jewova, Chèf lame yo, di:
‘Mwen se premye a e mwen se dènye a+.
Apa mwen menm, pa gen Bondye+.
7 Kiyès ki tankou m+?
Se pou l pale byen fò, se pou l vin di sa e se pou l ban m prèv ki montre sa+!
Menm jan m te fè depi lè m te chwazi pèp ki la depi lontan an,
Se pou yo rakonte ni sa k gen pou rive,
Ni sa ki poko ap rive.
8 Nou pa bezwen tranble,
Pinga nou kite laperèz anvayi nou+!
Èske mwen pa t di nou sa davans? Èske m pa t fè nou konn sa?
Nou se temwen m+.
Èske gen yon lòt Bondye apa mwen menm?
Non, pa gen yon lòt Mas Wòch+. Mwen pa konn okenn lòt.’”
9 Tout moun k ap fè zidòl yo pa vo anyen.
Bagay yo renmen yo pap itil anyen+.
Menm jan ak moun ki temwen moun k ap fè zidòl yo, yo* pa wè anyen e yo pa konn anyen+,
Se sa k fè, y ap lage lawont sou moun ki fè zidòl yo+.
11 Gade! Y ap fè tout moun ki fè bagay sa yo wont+!
Atizan yo se moun yo ye.
Se pou yo rasanble e se pou yo ret kanpe nan plas yo.
Y ap fè yo pè e y ap fè yo tout wont ansanm.
12 Bòs fòjon an mete fè a sou chabon dife pou l travay li ak zouti l.
Li ba l fòm ak mato,
Li travay li ak fòs ponyèt li+.
Apre sa, li vin grangou e li vin pèdi fòs.
Li pa bwè dlo, li vin fatige.
13 Moun k ap travay bwa a pran mezi bwa a, li trase yon fòm sou li ak lakrè wouj.
Li pase galè sou li e li trase l ak yon konpa.
Li fè l pòtre yon moun+,
Li fè l vin tankou yon bèl moun
14 Gen yon moun travay li se koupe pye sèd.
Li chwazi yon kalite pyebwa, yon pye bwadchèn,
E li kite l vin yon gwo pyebwa pami pyebwa ki nan forè a+.
Li plante yon pye pichpen, e lapli fè l grandi.
15 Epi, yon moun fè dife ak bwa a.
Li pran yon pati ladan l pou l chofe kò l.
Li fè yon dife pou l fè manje.
Men, li fè yon dye tou e li adore l.
Li fè yon zidòl avè l, epi li bese byen ba devan l+.
16 Li fè dife ak mwatye ladan l.
Li sèvi avè l pou l boukannen vyann pou l manje, epi vant li plen.
Li chofe kò l tou, epi li di:
“O! Mwen byen chofe kò m pandan m ap gade dife a.”
17 Men, li fè yon dye ak rès bwa a, li fè l tounen zidòl li.
Li koube byen ba devan l e li adore l.
Li priye l, epi li di l:
“Sove m, paske se ou ki bondye m+.”
18 Moun k ap fè zidòl yo pa konn anyen, yo pa konprann anyen+,
Paske je yo bouche e yo pa ka wè,
E eta kè yo anpeche yo gen bon konprann.
19 Pa gen youn ki di nan kè l
Oswa ki gen konesans ak bon konprann pou l di:
“Mwen boule mwatye ladan l nan dife,
Sou chabon dife a, mwen kuit manje e mwen boukannen vyann.
Bon, èske m ta dwe pran rès la pou m fè yon vye bagay avè l+?
Èske m ta dwe adore yon bout bwa ki soti nan yon pyebwa?”
20 Li tankou yon moun k ap manje sann dife.
Piske li kite kè l twonpe l, sa fè l pèdi wout li.
Li pa ka delivre tèt li*, ni li pa di:
“Apa m gen yon bagay nan men m ki pa vo anyen!”
21 “O Jakòb, ou menm Izrayèl, sonje bagay sa yo,
Paske w se sèvitè m.
Mwen te fè w, e se sèvitè m ou ye+.
O Izrayèl, mwen pap bliye w+.
22 M ap efase sa w fè ki mal yo tankou se ak nyaj mwen kouvri yo+,
E m ap efase peche w yo tankou se ak nyaj pwès mwen kouvri yo.
Retounen vin jwenn mwen, paske, m ap fè w sot ann egzil+.
23 Ou menm syèl, se pou w rele tèlman w kontan,
Paske se Jewova k ap aji!
Ou menm kote ki fon nan tè a, se pou w rele tèlman w kontan!
Nou menm mòn yo, se pou n rele tèlman nou kontan+,
Ni ou menm forè ak tout pyebwa w genyen yo.
Paske, Jewova fè Jakòb sot ann egzil,
E li montre glwa li sou Izrayèl+.”
24 Men sa Jewova, Sovè* w la+,
Sila a ki te ba w fòm depi lè w te nan vant lan, di:
“Mwen se Jewova, Sila a ki fè tout bagay la.
Se mwen poukont mwen ki te blayi syèl la tankou yon dra+,
E se mwen ki te met tè a kote l ye a+.
Kiyès ki te avè m pou ede m?
25 Moun k ap di pawòl ki san valè yo* ap bay siy, e mwen fè siy sa yo pa reyalize.
Mwen se Sila a ki fè divinò yo aji tankou moun sòt+,
Sila a ki lage moun ki gen sajès yo nan konfizyon,
E ki fè konesans yo genyen tounen bagay moun sòt+.