Sòm

95 Vini, annou rele byen fò ak kè kontan devan Jewova!

Annou rele byen fò ak kè kontan devan Mas Wòch ki ka delivre nou an+.

 2 Annou pwoche devan l* pou nou remèsye l+.

Annou chante pou li e annou rele l ak kè kontan.

 3 Paske, Jewova se yon Bondye ki gran,

Yon gran Wa ki gen plis pouvwa pase tout lòt dye yo+.

 4 Pati ki pi fon nan tè a se nan men l li ye.

Tout tèt mòn yo se pou li+.

 5 Lanmè a li te fè a se pou li+

E se li menm ki te fè tè a ak men l+.

 6 Vini, annou adore Jewova, Sila a ki fè nou an+,

Annou pwostène devan l, annou met ajenou devan l.

 7 Paske, li se Bondye nou

E nou se pèp ki nan patiraj li,

Nou se mouton l ap pran swen*+.

Jodi a, si nou koute vwa l+,

 8 Pa fè tèt di, menm jan zansèt nou yo te fè sa nan Meriba*+,

Nan jou Masa* a, nan dezè a+,

 9 Lè zansèt nou yo te teste m nan+.

Yo te pwovoke m malgre yo te wè sa m te fè+.

10 Pandan 40 an, mwen te gen degoutans pou jenerasyon sa a e mwen te di:

“Pèp sa a toujou ap suiv move lide yo gen nan kè yo,

Yo pa rive konnen chemen m yo.”

11 Se sa k fè, mwen te an kòlè, e mwen te fè sèman:

“Yo pap antre nan repo m nan+.”