Sòm
Pou moun k ap dirije mizisyen yo. Yon chante David te ekri. Yon melodi.
109 O Bondye, ou menm m ap louwe a+, pa ret an silans.
2 Paske, mechan an ak moun k ap bay manti a ap pale m mal.
Yo sèvi ak lang yo pou yo bay manti sou mwen+.
3 Yo antoure m, y ap di pawòl ki montre yo rayi m,
Yo atake m san rezon+.
4 Mwen renmen yo, alòske yo menm yo kont mwen+.
Men, mwen kontinye priye.
6 Mete yon mechan domine sou li,
Fè yon opozan* kanpe sou bò dwat li.
7 Lè y ap jije l, se pou yo kondane l*.
Se pou yo konsidere menm priyè l kòm yon peche+.
9 Se pou pitit* li yo vin san papa
E se pou madanm li vin vèv.
10 Se pou pitit* li yo mache mande charite.
Se pou yo kite vye mazi kote yo rete yo pou y al chèche manje.
11 Se pou moun ki prete l lajan an sezi* tout sa l genyen.
Se pou etranje pran tout sa l posede.
12 Pèsonn pa dwe fè anyen ki bon* pou li
E pèsonn pa dwe gen pitye pou pitit li mouri kite yo.
14 Se pou Jewova sonje erè zansèt li yo te fè+
E se pou peche manman l te fè pa efase.
15 Se pou Jewova toujou sonje sa yo te fè yo
E se pou l fè yo bliye yo sou tè a+.
16 Paske, li pa t janm sonje pou l aji byen ak lòt moun*+,
Men li te kontinye ap pousuiv moun y ap toupizi yo+, malere yo ak moun ki nan lapenn yo
Pou l touye yo+.
17 Li te renmen bay madichon, e se sa k fè madichon te tonbe sou li.
Li pa t renmen bay benediksyon, se pou sa li pa t resevwa okenn benediksyon.
18 Yo te kouvri l ak madichon tankou si se yon rad yo te met sou li.
Yo te vide madichon sou li tankou si se te dlo.
Madichon yo te rantre nan zo l tankou luil.
19 Se pou madichon vlope l tankou yon rad li met sou li+,
E tankou yon senti ki toujou nan ren l.
21 Men ou menm, o Jewova, Seyè ki Souvren an,
Se pou w aji pou mwen akoz non w+.
Sove m, paske lanmou fidèl ou genyen an bon+.
23 M ap pase tankou yon lonbray ki disparèt tikras pa tikras.
Yo pouse m ale tankou yon krikèt.
24 Jenou m vin fèb paske mwen pa manje.
Mwen mèg e m ap depafini*.
26 Ede m, o Jewova, Bondye m nan.
Sove m akoz lanmou fidèl ou genyen an.
27 Se pou yo konnen se ou menm ki sove m ak men w.
Se pou yo konnen se ou menm, o Jewova, ki fè sa.
28 Yo mèt lage madichon sou mwen, men ou menm se pou w beni m.
Lè yo leve kont mwen, se pou lawont tonbe sou yo.
Men, se pou w fè sèvitè w la rejwi.
30 M ap sèvi ak bouch mwen pou m fè louwanj pou Jewova ak tout fòs mwen.
M ap fè louwanj pou li devan anpil moun+.